تازه خبرونه
د کرنې وزیر د کرنیزو همکاریو د پراخولو لپاره هند ته سفر وکړ
د کرنې وزارت د څرګندونو له مخې؛ دغه سفر د کرنې، مالدارۍ، د کرنیزو محصولاتو د صادراتو او وارداتو، د تجربو د تبادلې او د هند له بریالیو تجربو او لاسته راوړنو څخه د ګټې اخیستنې پر موخه ترسره کېږي.
د افغانستان اسلامي امارت د کرنې، اوبو لګولو او مالدارۍ وزیر عطاءالله عمري د یوه رسمي پلاوي پر مشرۍ هند ته ولاړ.
د کرنې وزارت د څرګندونو له مخې؛ دغه سفر د کرنې، مالدارۍ، د کرنیزو محصولاتو د صادراتو او وارداتو، د تجربو د تبادلې او د هند له بریالیو تجربو او لاسته راوړنو څخه د ګټې اخیستنې پر موخه ترسره کېږي.
ټاکل شوې ده، چې عطاءالله عمري به د دغه سفر پر مهال د هند د کرنې او بزګرانو د هوساینې وزارت له مسوولانو، د دغه هېواد له یو شمېر لوړپوړیو چارواکو او د خصوصي سکټور له استازو سره وګوري.
نوموړی به په دې سفر او لیدنو کې د کرنیزو اړیکو د پیاوړتیا، د نوې کرنیزې ټکنالوژۍ د معرفي کولو، د مالدارۍ سکټور د پراختیا او د کرنیزو محصولاتو د صادراتو او وارداتو په برخه کې د همکاریو پر زیاتوالي خبرې وکړي.
ویل کیږي، چې د کرنې وزارت پلاوی به د دغه سفر پر مهال د هند له یو شمېر کرنیزو مرکزونو او پروګرامونو لیدنه وکړي او د هېواد لپاره به د دوی له تجربو او عصري ټکنالوژیو ګټه واخلي.