رسنۍ له افغانستان څخه د بهرنیو ځواکونو د وتو پر پرېکړې اندېښمن دي

له آزادو رسنیو ملاتړ بنسټونه اندېښنه لري، چې د بهرنیو ځواکونو له وتو وروسته د وینا آزادي له خطر سره مخ نشي.

 د آزادو رسنیو ملاتړ بنسټونو ويلي، چې د بهرنیو ځواکونو له وتو وروسته به د وینا آزادي حالت داسې  چې دی؛ پاتې نشي.

 دا بنسټونه څرګندوي، چې دا مهال نړیوال فشارونه د دې سبب دی، چې د وینا له آزادي ملاتړ وشي.

د آزادو رسنیو ملاتړ بنسټ اجرائیوي مشر مجیب خلوتګر د کتاب نندارتون د پرانیستې په مراسمو کې ویلي: اوسمهال افغانستان د کورنۍ اردادي له مخې نه، بلکې د بهرنیو فشارونو له کبله له رسنیو ملاتړ کوي. ډاډمن یم، چې د بهرنیو ځواکونو له وتلو وروسته د حکومت لخوا له ننګونو سره مخ شي.             

د کتاب نندارتون مدیره زرغونه حیدري وایي: په اوسني حساس وخت کې د وینا آزادۍ پر برخلیک اندېښمنه ده.

د اطلاعاتو او فرهنګ وزارت وایي، چې افغان حکومت په هر حالت کې د وینا آزادي ملاتړ کوي او وبه یې ساتي.

د اطلاعاتو او فرهنګ وزارت نشراتي مرستیال عبدالمنان شیوا شرق ویلي؛ اطلاعاتو او فرهنګ وزارت به هیڅکله پرینږدي، چې د بهرنیو ځواکونو له وتلو وروسته د بیان پر آزادۍ بندیز ولګیږي. مونږ په هر حال د بیان له آزادۍ ملاتړ کوو.           

خبریالانو ویلي، چې په تېرو دوه لسیزو کې د رسنیو برخې ډېر پرمختګ کړی او که جدي ملاتړ ترې ونشي؛ د رسنیو ډګر ته به لوی زیان واوړي.