سیمه ییز خبرونه
روغتيايي خدمتونو ته ځانگړې شوې بوديجه ډېره كمه ده.
د عامې روغتيا وزارت په داسې حال كې د مارچ اتمه،.چې د ښځو له نړيوالې ورځې سره سمه ده، نمانځي، چې د رسمي شمېرو له مخې، اوس هم په افغانستان كې په هرو دوه ساعتونو كې يوه مور د زيږون پر مهال خپل ژوند له لاسه وركوي.
د عامې روغتيا وزيرې ثريا دليل د نړيوال روغتيايي سازمان څېړنو ته اشاره وكړه، چې وايي هېوادونه بايد د خپلې ټولې ملي بودجې ۱۵ په سلو كې د روغتيا په برخه كې ولگوي. په داسې حال كې، چې په افغانستان كې روغتيايي خدمتونو ته د ملي بوديجې څلور په سلو كې ځانگړې كيږي.
د عامې روغتيا وزيره ثريا دليل وايي، چې:
په وروستيو څو كلونو كې تر لاسه شويو برياوو ته په پام څه باندې دېرش په سلو كې روغتيايي مركزونه آن يوه روغتيايي كاركونكې نه لري.
د روغتيا په برخه كې د بوديجې لږوالى د عامې روغتيا وزارت يوه عمده ننگونه بلل كيږي.
د عامې روغتيا وزيره همدا راز وايي:
هر دالر، چې پر حامله ميرمنو، له پېنځه كلونو ټيټ عمره ماشومانو ته پر روغتيايي خدمتونو او د نجونو پر زده كړو لگول كيږي، په نږدې راتلونكې كې به څلويښت برابره اقتصادي گټې ولري.
د مركزي احصايي د ادارې له مخې، دا مهال د افغانستان د ټولو وگړيو په سلو كې ۶۲ روغتيايي خدمتونو ته لاس رسى لري.