نړۍ
سردار بیردي محمدوف د ترکمنستان د ټاکنو ګټونکی اعلان شو
رویټرز څرګنده کړې؛ د ترکمنستان د اوسنی ولسمشر زوی سردار بیردی محمدوف د ولسمشرۍ په ټاکنو کې ګټونکی اعلان شو.
د ترکمنستان د ولسمشریزو ټاکنو په پایلو کې نن (سې شنبه د کب ۲۴) سردار بیردي محمدوف د ۷۲،۹۷ سلنه رایو پر خپلولو بریالی وپېژندل شو.
په ترکمنستان کې د مارچ د میاشتې پر دولسمه نېټه په ولسمشریزو ټاکنو کې له درې میلیون او ۳۶۲ زرو ډېرو کسانو برخه واخیسته.
د ترکمنستان د ټاکنو کمیسیون ويلي، د ولسمشرۍ له نهو نوماندانو څخه ۸ یې د ۱ اعشاریه صفر اته، او ۲ اعشاریه ۲۲ سلنې ترمنځ رایې ګټلي دي.
د ترکمنستان اوسني ولسمشر قربانقلي بردي محمدوف له ۲۰۰۷ زېږدیز کال راپدیخوا واکمني کړې او په دې وروستیو کې یې ویلي وه، چې غواړي نوي نسل یې ځای ونیسي.