تازه خبرونه
طالبانو د امریکا له راتلونکي ولسمشره د دوحې هوکړې د منلو هیله کړې
طالبانو د امریکا په ولسمشریزو ټاکنو کې د جو بایدن له بریا وروسته ویلي؛ دوی هیله لري، چې د امریکا راتلونکی ولسمشر به د دوحې هوکړه ومني.
په قطر کې د طالبانو د سیاسي دفتر ویاند محمد نعیم پرون (یکشنبه د لړم ۱۸) ویلي، چې د دوحې تړون د امریکا په ګټه دی او باید دغه هېواد د تړون په لیکنه کې د بدلون غوښتنه ونکړي.
نعیم زیاته کړې: دا تړون د افغانستان او د امریکا د خلکو ګټې خوندي کوي. دا تړون باید له هوکړې سره سم پلي شي او له بدلونونو ځار نشي.
نوموړي زیاته کړې: مونږ تمه لرو، چې د سولې روان بهیر او له امریکا سره لاسلیک شوی تړون پخپل ځای پاتې شي.
د امریکا او طالبانو د سولې راوستلو په تړون کې طالبانو ژمنه کړې؛ نړیوال ځواکونه به نه په نښه کوي، د نورو ډلو لکه القاعده او داعش مخه به نیسي او پر لویو ښارونو به بریدونه نکوي.
همدارنګه افغانانو هم د جوبایدن له بریا هرکلی کړی او هیله څرګندوي، چې د امریکا راتلونکی ولسمشر به افغانستان ته د سولې او ثبات د راوستو لپاره د امریکایي سرتېرو ایستل وځنډوي.
له دې مخکې د امریکا ولسمشر دونالد ترمپ ویلي وه، چې په راتلونکي کال کې به له افغانستان څخه خپل ټول سرتېري وباسي او سرتېري به نوی کال په خپلو کورونو کې نمانځي.
جوبایدن د خپل کمپاین په بهیر کې ویلي وه؛ هغه به په افغانستان کې لږ شمېر سرتېري وساتي، چې داعش او القاعده امریکا ته ګواښ رامنځته نکړي او هغه په افغانستان کې د امریکا لخوا د ملت جوړونې له پروګرام سره په کلکه مخالفت کړی دی.
دا په داسې حال کې ده، چې طالبانو له افغانستان څخه د ټولو امریکايي ځواکونو پر وتلو ټینګار کړی دی.
طالبانو ويلي، چې د امریکا او طالبانو تر منځ د سولې راوستلو تړون مشروط تړون دی، چې د امریکایي ځواکونو پر وتلو او د افغانانو ترمنځ د خبرو پیلولو ته لار اواروي.
د یادونې ده، چې د امریکا او طالبانو د سولې راوستلو تړون د روان کال د فبرورۍ پر ۲۹ د قطر په دوحه کې لاسلیک شوی دی.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
تازه خبرونه1 day ago
راشد خان د افغان بیسیم سوداګریز سفیر شو