تازه خبرونه
طالبان باید د ټاکنو له لارې په واک کې دخیل شي- اشرف غني
ولسمشر غني وایي، که طالبان سوله غواړي، باید جګړه پای ته ورسوي او په ټاکنو کې شریک شي.
د طالبانو او امریکایانو تر منځ له مخامخ خبرو داسې ښکاري، چې حکومت د مذاکراتو بېړنۍ پایلې ته خوشبین ندی.
ولسمشر غني د مونیخ د ناستې په څنډه کې له بي بي سي سره په مرکه کې ویلي، د سولې د بهیر لپاره اساسي پرمختګ یو کلن بهیر دی؛ طالبان باید جګړه پای ته ورسوي او د ټاکنو له لارې واک ته وردننه شي.
ولسمشر اشرف غني دا هم په ډاګه کړې؛ خبرې بسنه نکوي، عمل ته اړتیا ده. که طالبان په رښتیا صادق دي او غواړي، چې جګړه پای ته ورسيږي؛ رادې شي په ټاکنو کې دې ګډون وکړي.
دغه راز ښاغلی غني د امریکایي ځواکونو د احتمالي وتلو او لدې اړخه د احتمالي بې ثباتۍ په تړاو شته اندېښنې هم بې ځایه بولي.
ښاغلي غني زیاته کړې؛ د می او اپريل په میاشتو کې د ځواکونو د ویستو په تړاو مبالغه شوی، مونږ له امریکا سره رغنده خبرې درلودې او باوري یم، چې دوستي به مو په یوه نوې فضا کې روانه وي.
د ملي امنیت سلاکار ټینګار کړی، چې په افغانستان کې سوله راتلوونکې ده؛ ځکه امنیتي ځواکونه موخه لري او طالبان د جګړې لپاره موخه نلري.
د ملي امنیت سلاکار محب زیاته کړې، مونږ د خپلو ارزښتونو د ساتلو لپاره جګړه کوو.
د ملي امنیت شورا سلاکار حمدالله محب ویلي، چې زمونږ امنیتي ځواکونه د درې سوه دالر معاش لپاره نه جنګیږي؛ هغوی د یوې موخې لپاره جګړه کوي. افغان ځواکونه د یوې موخې لپاره جنګ کوي او دا د هېوادنیو ارزښتونو ساتنه ده، چې دوی د نړیوالې ټولنې په مرسته ترلاسه کړي دي. طالبانو د جګړې لپاره خپله موخه له لاسه ورکړې او نه پوهیږي، چې اوس د څه لپاره جنګیږي.
د نوموړي د څرګندونو له مخې؛ افغانستان اوږده لار وهلې؛ اوس یو بل هېواد دی، چې په زړه پورې دی او مونږ یې د یوې سوکاله راتلونکې پر لوري روان کړي یو.
د سولې روانو هڅو ته په نغوته کې ښاغلي محب ډاډ څرګند کړ، چې سوله به افغانستان ته راشي؛ خو اړوند اړخونه باید په دې بهیر کې ګډون وکړي.
افغان چارواکي ټینګار کوي، چې په تېرو پېنځه کلونو کې، افغان امنیتي ځواکونو ۴۵۰۰۰ سرتېري د ارزښتونو د ساتلو لپاره قربان کړي او هغه آزادي، ځمکنۍ بشپړتیا او سیاسي حاکمیت دی.