Connect with us

تازه خبرونه

طالبانو د فراه ښار د شمالګاه په اړوند سیمه کې ۵ پولیس وژلي

خپور شوی

د

(Last Updated On: لړم ۲, ۱۴۰۱)

د فراه ولایت چارواکو په ډاګه کړې، چې د فراه په شمالګاه سیمه کې د امنیتي ځواکونو پر پوستې  طالبانو برید کړی، چې په کې ۵ کسه وژل شوي او د پوستې ټول تجهیزات یې وړې دي.

د فراه ولایتي شورا غړی خیرمحمد نورزایي وایي، دغه پوسته د فراه په شمالګاه سیمه کې د سې شنبې پر سهار د طالبانو تر برید لاندې راغلې ده.

هغه زیاته کړې، چې وسلوالو طالبانو پر دغه ولایت د محاصرې کړۍ را تنګه کړې او په ډېرو ولسوالیو کې یې نفوذ کړی دی.

هغه وايي، چې د فراه د  ګلستان، خاک سفید، بکوا او بالابلوک ولسوالیو ډېرې برخې له وسلوالو طالبانو سره دي.

که څه هم د فراه والي ویاند ناصر مهري په دي اړه له څه ویلو ډډه کوي؛ خو وایي، چې په بالابلوک ولسوالۍ کې د افغان ځواکونو په عملیاتو کې ۱۵ وسلوال وژل شوي او لس نور ټپيان دي.

د فراه د خلکو قومي مشر عبدالستار حسیني له اړوند مسوولینو غوښتي، چې فراه ته تازه دمې سرتېري ولیږي.

داسې راپورونه هم شته، چې په فراه ولایت کې وسلوالو مخالفینو په امنیتي لیکو کې نفوذ کړی؛ نو، ځکه په پرلپسې توګه د فراه ښار امنیتي پوستې وسلوال طالبان نیسي. ان په ځينو مواردو کې سرتېري مسموم شوي او بیا وژل شوي دي.

د ملي دفاع وزارت وايي، چې په فراه کې له لاسه د وتلو سیمو د بېرته نیولو لپاره یې هڅې پیل کړي دي.

وسلوالو طالبانو په تېرو ۵ ورځو کې د فراه انار دره ولسوالي او په نور ولسوالیو کې پېنځه امنیتي پوستې ونیولې، چې افغان امنیتي ځواکونو ته په کې د سر تلفات هم واوښتل.

ټاپي پروژه له بالابلوک او ګلستان څخه تیریږي او هرات ته ځي او بیا له هلمنده تېریږي.

مسولینو ویلي؛ تېره ورځ د فراه د انار درې ولسوالۍ د لاس په لاس کیدو له کبله د اناردرې د پولیسو د قومندان په ګډون دولس امنیتي سرتېرو خپل ژوند له لاسه ورکړی او د طالبانو د نومول شوي ولسوال په ګډون اته پنځوس تنه نور ټپیان شوي دي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!