تازه خبرونه
طالبانو او سخت دریځو ډلو خپل حاکمیت پراخه کړی- سیګر
د افغانستان پر بیا رغونه د امریکا د څار اداره یا سیګر وايي، چې د وسلوالو طالبانو او سخت دریځو ډلو د حاکمیت ساحه پراخه شوې ده.
د افغانستان پر بیارغونه د امریکا د څار ادارې په تازه راپور کې راغلي، چې وسلوالو طالبانو او نورو سخت دریځو ډلو په تېرو درې میاشتو کې د خپل حاکمیت ساحه یو څلوېښت اعشاریه پېنځه سلنې ته لوړه کړې ده.
د دغې ادارې د څرګندونو له مخې؛ وسلوال مخالفین همدا اوس د افغانستان پر یو څلوېښت اعشاریه پېنځه سلنه خاوره واکمني لري، چې د تېرو درې میاشتو په پرتله یو په سلو کې ډېروالی ښيي.
سیګر وايي، چې د ولسوالیو پر کچه وسلوال مخالفین اتلس اعشاریه پېنځه په سلو کې ولسوالۍ تر خپل کنټرول لاندې لري. افغان حکومت که څه هم د وسلوالو مخالفینو د چټک پرمختګ مخه نیولې؛ خو نه دي توانیدلی، چې د خپل حاکمیت ساحه پراخه کړي. روزګان، کندوز، هلمند هغه ولایتونه ګڼل شوي، چې زیاتره ولسوالۍ او سیمې یې د سیګر پر باور د وسلوالو طالبانو په واک کې دي.
افغان چارواکي د سیګر راپورونه په زیاترو مواردو کې له حقیقت څخه لیرې ګڼي.
د ملي دفاع وزارت د ویاند د دفتر سرپرست محمد رادمنش وایي، چې له ۴۰۰ ولسوالیو څخه یوازې ۱۱ ولسوالۍ تر لوړ امنیتي ګواښ لاندې دي، چې په هغو کې هم زمونږ عملیات روان دي.
پخوانی امنیتي چارواکي هادي قریشي وایي، وسلوال مخالفان له امنیتي ځواکونو سره د مخامخ جګړې واک و ځواک نلري؛ یوازې انفجار او انتحار ته یې ملاتړلې ده.
د افغانستان د روڼتیا بنسټ مسوولین، چې له سیګر ادارې سره په څېړنو کې مرسته کوي؛ وايي د سیګر راپورونه پر واقعیتونو ولاړ دي.
د افغانستان د روڼتیا بنسټ رييس سید اکرام افضلي څرګندوي؛ هغه راپورونه، چې سیګر جوړوي د بشپړ ډاډ وړ دي.
دا په داسې حال کې ده، چې د ملي دفاع وزارت مسوولین د ملي دفاعي ځواکونو ملي ستراتیژي د ډاډ وړ بولي او په سلو کې اتیا پلې شوې او افغان ځواکونه د ودې په حال کې بولي.
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
تازه خبرونه
ملا برادر د قزاقستان د لومړي وزیر له مرستیال سره د اوسپنې پټلۍ پر رامنځته کولو خبرې وکړې
د اسلامي امارت د ریاست الوزرا اقتصادي مرستیال او د قزاقستان د لومړي وزیر مرستیال سیرک ژومانګارین د ترکمنستان او افغانستان له لارې پاکستان ته د اوسپنې پټلۍ پر رامنځته کولو خبرې وکړې.
د افغانستان اقتصادي مرستیالۍ په خبربانه کې راغلي، چې په دې لیدنه کې ملا عبدالغنی برادر د دواړو هېوادونو د سوداګرو د بانکي ستونزو د حل، د افغان – قزاق د ګدو شرکتونو رامنځته کولو او سوداګرو ته د ویزو د ورکړې لپاره د هوکړه لیکونو پر لاسلیک ټینګار وکړ.
سیرک ژومنګارین په پام کې لري، چې د قزاقستان د صنعت او سوداګرۍ ګډه خونه او د دواړو هېوادونو د سوداګرۍ او کار ګډه ډله رامنځته کړي او چمتو دی، چې د برښنایي حکومتولۍ، صنعت، لوړو زدهکړو، پوهنې، روغتیا او بانکدارۍ په سکټورونو کې له افغانستان سره همکاري وکړي.
تازه خبرونه
ایران او پاکستان په افغانستان کې پر ترهګرو ډلو اندېښنه څرګنده کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ