تازه خبرونه
عبدالرزاق وحیدي وبښل شو
Last Updated on: لړم ۲, ۱۴۰۱
د وزیرانو ځانګړې محکمې د سې شنبې پر ورځ( د مرغومې ۴) د خپلې درېیمې علني ناستې په پای کې د دلایلو د نشتوالي له مخې د مخابراتو او معلوماتي تکنالوژۍ پخوانی رییس عبدالرزاق وحیدي له پړتیا وویست او وبښل شو.
د محکمې له حکم وروسته ښاغلي عبدالرزاق وحیدي خبریالانو ته وویل: دا یوه ښه شېبه وه، چې خلک د چوپړ د مینه والو کړنې ان تر ولسمشره وڅېړي او قضاوت پرې وکړي.
عبدالرزاق وحدي له کریدت کارتونو څخه د ۱۰ سلنې مالیې او په مخابراتي شرکتونو کې د ۳۷ لنډمهالو ټاکنو پر نه رڼښت تورن شوی و، چې دا دی د درېیم ځل محاکمې په وروستۍ ناسته کې له پړتیا ووت او وبښل شو.