لس نوماند وزیرانو له ولسي جرګې د باور رایې خپلې کړې

ولسي جرګې د شنبې پر ورځ ( د لیندۍ لومړۍ) د ملي دفاع، کورنیو چارو او بهرنیو چارو وزارتونو په ګډون ۱۰ نوماند وزیرانو ته د باور رایه ورکړه.

د افغان حکومت دغو ۱۰ نوماند وزیرانو تېره اوونۍ ولسي چرګې ته خپل کاري پلانونه وړاندې کړي دي نن یې د دې جرګې په عمومي غونډه کې د استازیو د باور رایه خپله کړه.

د بهرنیو چارو وزارت ته نوماند حنیف اتمر  د باور ۱۹۷ رایې ، رد  ۲۴، باطلې ۱۶ او سپینې ۹ تر لاسه کړې .

دفاع وزارت ته نوماند اسدالله خالد د باور ۲۰۶ رایې، رد  ۱۷، باطلې ۱۵ او  سپینې ۸ رایې خپلې کړې.

کورنیو چارو وزارت ته نوماند مسعود اندرابي د باور  ۲۱۴ رایې ، رد  ۲۵، باطلې ۰ او ۷ سپینې رایې تر لاسه کړې.

مالیې وزارت ته نوماند عبدالهادي ارغندیوال د باور ۲۰۵ رایې ، رد  ۳۲، باطلې ۰ او  ۹ سپینې رایې پلې کړې.

د مخابراتو وزارت ته نوماندې معصومه خاوري د باور۱۵۴ رایې ، رد  ۶۷، باطلې ۰ او ۲۵ سپینې رایې تر لاسه کړې.

پر دوی سربېره؛ عباس بصیر د لوړو زدکړو وزارت ته د باور ۱۹۷، رد  ۲۲، باطلې ۱۳ او ۱۴ سپینې رایې خپلې کړې.

فضل احمد معنوي د عدلیې وزارت لپاره د باور ۲۲۰ رایې ، رد  ۹، باطلې ۱۰ او ۷ سپینې تر لاسه کړې.

نثار احمد غوریاني د سوداګرۍ وزارت ته د باور ۲۱۳ ، رد  ۲۳، باطلې ۰ او  ۱۰ سپینې رایې خپلې کړې دي.

د حج او اوقافو وزارت لپاره محمد قاسم حلیمي د باور  ۱۴۸، رد  ۴۱، باطلې ۲۳ او  ۳۴سپینې رایې تر لاسه کړې دي.

د کار او ټولنیزو چارو وزارت لپاره بشیر احمد ته ینچ د باور ۱۹۰، رد  ۴۰، باطلې ۰ او سپینې ۱۶ رایې خپلې کړې دي.

د جرګې ۲۴۶ غړیو په ډاګه کړه، چې د شنبې د ورځې غونډې ښیي، چې په کور کې هیڅ ډول قومي تبعیض شتون نلري؛ ځکه، چې یو شمېر نوي وزیران له لږه کیو څخه دي.