سیمه ییز خبرونه
له بنده خوشې شوي طالبان له خپلو كورنيو سره يو ځاى شول
د افغانستان د سولې عالي شورا وايي، چې:
د پاكستان له زندانه د وسله والو طالبانو نهه لوړپوړي خوشې شوي چارواكي، اوس له خپلو كورنيو سره يوځاى شوي دي.
دغه شورا تمه لري، چې د وسله والو طالبانو د دغو نهو چارواكو هڅې به د افغانستان د سولې په بهير كې رغنده رول ولوبوي.
له وسله والو طالبانو سره د افغان دولت د سولې خبرو د پيل شويو هڅو په ترڅ كې دا ځل پاكستان د افغانستان د سولې عالي شورا د پلاوي سفر د هغه هېواد له زندانونو څخه د وسله والو طالبانو د نهه چارواكو خوشې كيدو ته لاره پرانيسته.
د افغانستان د سولې عالي شورا منشي امين الدين مظفري وايي، چې:
خوشي شوي طالب چارواكي اوس له خپلو كورنيو سره يو ځاى شوي دي او خوشي شوي طالب مشران به د سولې په خبرو كې رغنده رول ولوبوي
سياستوال جاويد كوهستانى هم په افغانستان كې د سولې په ټينگښت كې د خوشې شويو طالب چارواكو ونډه مهمه بولي.
نوموړي دا هم په ډاگه كړې، جې:
يو شمېر پاكستانيو رسنيو د سولې خبرو ته په كويټه كې د وسله والو طالبانو د شورا د ليوالتيا په اړه رپوټونه خپاره كړي دي.
دا، چې د پاكستان له زندانونو د نهه طالب چارواكو خوشې كيدل به د افغانستان د سولې له بهير سره څومره مرسته وكړي، وخت به يې په ډاگه كړي.