Connect with us

تازه خبرونه

له طالبانوسره په مخامخ خبرو کې پر څلورو مواردو هوکړه شوې

خپور شوی

د

(Last Updated On: لړم ۳, ۱۴۰۱)

SOGKH

د حکومت مرکچي پلاوی وایي، دغه ناسته غزول، د د دواړو غاړیو د غوښتنو په گوته کول، له کوچني اختر وروسته په دوه یمې ناستې هوکړه او په خبرو کې صداقت هغه بقرخې دي، چې پرې هوکړه شوې ده.

د سولې عالي شورا غړی حاجي عزیز الله دین محمد، د بهرنیو چارو وزارت سیاسي مرستیال حکمت خلیل کرزی، فیض الله ذکي، محمد عاصم، محمد ناطقياو فرهاد الله فرهاد شپږ څېرې دي، چې د سولې په مذاکراتو کې یې د حکومت په استازیتوب گډون کړی دی.

دوی په پاکستان کې له طالب استازیو سره د مخامخ ناستې په اړه رسنیو ته معلومات ورکړل.

د مرکچي پلاوي رییس حاجي عزیزالله دین محمدوایي، په دې ناسته کې په څلورو برخو کې هوکړه شوې ده:

۱:- راتلونکې ناستې ته د دواړو لورو د غوښتنو په ډاگه کول

۲:- په خبرو کې ریښتینولي

۳:- د ننگونو پر حل ټینگار او په افغانستان کې دایمي سوله

4:- له کوچني اختر وروسته په دوه یمې ناستې هوکړه او په یو بهیر د دې ناستې بدلول

نوموړي وایي، د مذاکراتو دغه پړاو ښکاره توپیر درلود او هیلې ورته زیاتې دي.

د مرکچي پلاوي غړی محمد عاصموایي، چې د طالبانو له لوري په دې ناسته کې عبداللطیف منصور، ملا عباس او د حقاني شبکې په استازیتوب د جلال الدین حقاني ورور حاجي ابراهیم گډون کړی و، چې د طالبانو لومړي درجه کسان بلل کیږي.

د بهرنیو چارو وزارت سیاسي مرستیال حکمت خلیل کرزیوایي، د طالبانو مهمې غوښتنې د بندیانو برخلیک، تور نوملړ او په هېواد کې د بهرنیو ځواکونو حضور دی.

هغه په ډاگه کوي، چې، په اختر کې د دواړو لوریو له خوا د بریدونو په دریدو هم خبرې وشوې؛ خو هوکړه پرې نه ده راغلې.

د مرکچي پلاوی یو بل غړی محمد ناطقي ټینگارکوي، چې د طالبانو له خوا په اساسي قانون کې د تعدیل وړاندیزهم کیدی شي تر بحث لاندې راشي؛ خو د دغه قانون لومړی فصل، چې سیاسي نظام رانغاړي او دوه یم فصل، چې د وگړیو د اساسي حقونو خبره ده، نه بدلیږي.

د مرکچي پلاوي یو بل غړیفیض الله ذکي څرگندوي؛ حکومت چمتو دی، چې د طالبانو بندیان په دې ضمانت، چې بېرته جگړې ته نه ورگرځي، خوشې کړي.

دیادونې وړه ده، چې طالبانو له څو نارسمي ناستو وروسته له افغان حکومت له استازیو سره د اسلام آباد په مري ښار کې خپله لومړۍ رسمي ناسته تر سره کړې ده؛ خو د بشپړو جزیاتو په اړه طالبانو ډېر څه نه دي په ډاگه کړي.

Advertisement

تازه خبرونه

شهاب الدین دلاور او ورسره مل پلاوي د مس عینک کان له اړوند سیمو لیدنه وکړه

Published

on

(Last Updated On: غویی ۲۰, ۱۴۰۳)

د کانونو او پټرولیم وزارت چارسمبالي او ور سره مل پلاوي د چارشنبې پر ورځ د غویی نولسمه د مس عینک کان له بېلابېلو سیمو او د عینک سیمې له لرغونو آثارو لیدنه وکړه.

لوګر ولایت ته په دې سفر کې د کانونو او پټرولیم وزارت له چارسمبالي شهاب الدین دلاور سره د اطلاعاتو او کلتور وزارت چارسمبالي ملا خیرالله خیرخواه، په کابل کې د چین هېواد سفیر ژاو شینک، د MCC شرکت چارواکو، والي ضیاءالرحمن مدنی او د انرژۍ او اوبو وزارت مرستیال ملتیا کوله.

د کانونو او پټرولیم وزارت د څرګندونو له مخې؛ په دې اړه یوه ناسته هم تر سره شوه، چې په کې د MCC شرکت چارواکو د مس عینک کان د سړک جوړولو، د لرغونو آثارو ساتنې د پلان د وروستي کېدو او د عملي کار د پیل په اړه هر اړخیز معلومات وړاندې کړل.

د یاد شرکت چارواکو ویلي، چې د مس عینک کان د پروژې له عملي پیل سره به په سیمه کې لرغونو آثارو ته زیان ونه رسیږي.

دغه راز د اطلاعاتو او کلتور وزارت چارسمبالي هم د دغې سيمې د لرغونو آثارو او د هغو د ساتنې په اړه خبرې وکړې او د پروژې د کار د ګړندي کولو لپاره يې د همکارۍ ژمنه وکړه.

د انرژۍ او اوبو وزارت مرستیال هم د مس عینک کان د برښنا او اوبو رسولو په برخه کې د دې وزارت له همکاریو ډاډ څرګند کړ.

ویل کیږي، چې د لوګر مس عینک کان تړون له یوې چینايي کمپنۍ سره ۱۶ کاله پخوا لاسلیګ شوی دی؛ خو د دغه کان استخراج اوس هم ندی پیل شوی.

Continue Reading

تازه خبرونه

سعودي عربستان ته د افغان حاجیانو د لېږد بهیر پیل شو

Published

on

(Last Updated On: غویی ۲۰, ۱۴۰۳)

د ارشاد، حج او اوقافو وزارت چارسمبالي نور محمد ثاقب ويلي، چې له افغانستان څخه سعودي عربستان ته د حاجیانو د لېږد بهیر پیل شوی دی.

د نورمحمد ثاقب د څرګندونو له مخې؛ تېره شپه (چارشنبه د غویي نولسمه) شاوخوا ۲۳۰ حاجیان په لومړۍ الوتنه کې مدینې منورې ته ولېږدول شول.

نوموړي د افغان حاجيانو د لومړي کاروان د لېږد په مراسمو کې ويلي، چې سږ کال يې حج کوونکیو ته د غوره خدمتونو د وړاندې کولو لپاره د نورو کلونو په پرتله د کاري کمیټې کارکوونکي سعودي عربستان ته مخکې لېږلي دي.

دغه راز د ریاست الوزراء اداري مرستیال عبدالسلام حنفي په دې مراسمو کې حاجیانو ته په خطاب کې ویلي: ګرانو حاجیانو! تاسې په سعودي عربستان کې د افغانانو استازي یاست؛ نو دغه استازیتوب په ښه توګه ترسره کړئ.

عبدالسلام حنفي زیاته کړې؛ د ارشاد، حج او اوقافو وزارت په هلو ځلو تېرو کلونو ته ورته سږ کال هم د حج ټول فعالیتونه په منظم ډول ترسره شوي دي.

له دې مخکې د حج او اوقافو وزارت اعلان کړی و، چې سږ کال سعودي عربستان افغان حاجیانو ته ۳۰ زره سهمیه ورکړې ده.

ویل کیږي، چې آریانا افغان او کام ایر شرکتونو ته سږکال هم د افغان حاجیانو د لېږد او راستنولو مسوولیت سپارل شوی دی.

 

Continue Reading

تازه خبرونه

تېر کال پر زړه د سوريو ۷۰۰ ماشومانو درملنه وشو – سره میاشت

Published

on

(Last Updated On: غویی ۲۰, ۱۴۰۳)

د افغانستان په سویل لویديځ کې سره میاشت ادارې ويلي؛ تېر کال يې پر زړه سوريو ٧٠٠ ماشومانو درملنه کړې او په پام کې ده، چې سږ کال د ١٥ زره اړوند ماشومانو درملنه وکړي.

سره صلیب او سرې میاشتې ټولنې نړیواله ورځ د بشریت ژوندي ساتلو تر سرلیک لاندې ولمانځل شوه. په دې مراسمو کې د رییس الوزار سیاسي مرستیال له نړیوالې ټولنې وغوښتل، چې افغانستان هېر نه کړي، ځکه دا هېواد له اقتصادي ستونزو، زلزلو، طبیعي پېښو او کډوالو جبري شړلو سره مخ دی او اسلامي امارت نشي کولی دا ستونزې په یوازې سر حل کړي.

د رییس الوزرا سیاسي مرستیال مولوي عبدالکبیر ويلي؛ نړیواله ټولنه باید افغانستان له بشري اړخه هېر نکړي؛ ځکه، چې بشري همکارۍ ته اړتیا لري.

هغه وایي؛ بانکي بنديزونو او د مرستو کمېدو د افغانستان اقتصادي وضعيت پېچلى کړى او د اسلامي امارت فعاليتونه يې محدود کړي دي، نو باید د افغانستان شتمنۍ ازادې شي.

د مولوي عبدالکبیر د څرګندونو له مخې؛ د مرستو کمښت او د بانکي بندیزونو دوام د اسلامي امارت پر فعالیتونو منفي اغېز کړی دی.

د اسلامي امارت دغه چارواکي زیاته کړې، چې اسلامي امارت له نړۍ سره د متقابل احترام له مخې دوه اړخیزې اړیکې غواړي.

په افغانستان کې د سره صليب کمیټه هم د افغانستان له خلکو سره د دې بنسټ د فعاليتونو او همکاريو پر دوام ټينګار کوي.

په افغانستان کې د سره صلیب نړیوالې کمیټې رییسه کترینا ریتز ویلي: د سره صليب نړيواله کمیټه او افغاني سرې مياشتې ټولنه په ګډه کار کوي او غواړي، چې له زيانمنو شويو ټولنو سره مرستې وکړي، د دوی اساسي اړتياوې پوره او هغوی ته بنسټیز خدمتونه وړاندې کړي.

افغانني سرې میاشتې ټولنې ویلي، چې د مرستندویه بنسټونو پر وړاندې کومه ستونزه نشته او دوی کولی شي مرستې د هېواد لرې پرتو سیمو ته ورسوي.

Continue Reading

Trending

Copyright © 2022 Ariana News. All rights reserved!