تازه خبرونه
له کابله د امریکایي سرتېرو لیږدوونکې الوتکه په رومانیا کې پر ځغاستلیکه لګېدلې
یوه مسافر وړونکې بوینګ الوتکه، چې ویل کیږي؛ له کابل څخه واشنګتن ته امریکایي سرتېري لیږدوي، پرون په رومانیا کې د تېلو لپاره د کښته کیدو پر مهال یې کیڼ ګېر له کاره ولوید او پر ځغاستلیکه ولګیده.
دغې مسافر وړونکې ۷۶۷ ډوله بوینګ الوتکې د جمعې پر ورځ له افغانستان څخه الوتنه وکړه او د تېلو لپاره د رومانیا په مرکزي بخارست کې تم شوه.
د راپورونو له مخې؛ د پیښې پر مهال په الوتکه کې ۸۰ امریکایي سرتېري سپاره ول، چې بېرته خپل هېواد ته لیږدول کیږي.
د ایرو انساید د څرګندونو له مخې؛ الوتکه په داسې حال کې ځان ځغاستلیکې ته برابر کړ، چې بریکونه یې ټول له کاره غورځیدلي وه؛ او مسافر له بېړنیو لارو راکښته او پېښه د مرګ و ژوبلې لامل نه شوه.