سیمه ییز خبرونه
مارك ګرسمن: د پاكستان نوى حكومت له افغانستان سره همكاريو ته چمتو دی
د افغانستان او پاكستان لپاره د امريكا پخواني ځانګړي استازي مارك ګرسمن ويلي، د كابل او واشنګټن امنيتي سند بايد ژر لاسليك شي. دى وايي، د امنيتي سند ډېر ژر لاسليك د افغانستان او امريكا په ګټه ده.
په كابل او واشنګټن كې حكومتي مسئولين له مودو را په دېخوا پر دوه اړخيز امنيتي سند چڼې وهي، په دې بهير كې كورني او بهرني سياست وال هم ور ګډ شوي دي، او تل يي د دې ټكني حالت څخه د وتو لارې په ګوته كړې دي.
په همدې حال كې د افغانستان او پاكستان لپاره د امريكا پخواني ځانګړي استازي مارك ګرسمن له آريانا ټلويزيون سره په ځانګړې مركه كې د كابل او واشنګټن د امنيتي سند د ډېر ژر لاسليك غوښتنه وكړه.
مارك ګرسمن همدارنګه وایي، ځينو امريكايي سناتورانو د تړون په اړه خبرې كړې دي، ډېره مهمه ده هيله من يم، چې ژر لاسليك شي. باور نه كوم، امنيت دې افغانستان كې پرمختګ كړى وي او مهمه دا ده چې د افغانستان خلك به د هغو شيانو د ساتنې لپاره مبارزه كوي، چې تر لاسه كړي يي دي. امنيتي ځواكونه مجهز شوي او روزل شوي، د خلكو لپاره به وجنګېږي څو يي لاسته راوړنې وساتل شي.
د افغانستان له واكمنۍ څخه دفاع او د ترهګرۍ مشخص تعريف د افغان حكومت مهمې غوښتنې دي، چې په امنيتي سند كې ورته هم اشاره شوې ده.
په همدې حال كې پوښتنه را ولاړېږي، چې آيا د سند تر لاسليك وروسته به امريكا د پاكستان له خاورې د ترهګرو د فعاليتونو مخنيوى وكړي؟ مارك ګرسمن وايي، په افغانستان كې د سولې د ټينګښت لپاره د پاكستان رول مهم دى او د پاكستان نوى حكومت له افغانستان سره همكاريو ته چمتو ده.
نوموړي همداراز ووېل، زه چې كله په افغانستان او پاكستان كې د متحدو ايالتونو استازى وم، زياتې هڅې مې وكړې. فكر كوو، چې د پاكستان په نوي دولت كې دې سره ليوالتيا زياته شوې، چې افغانستان كې سوله وي. هيله من يم دا بهير همداسې دوام وكړي. كرزى پاكستان ته ولاړ او پاكستاني مشران افغانستان ته سفرونه كوي. دا يوه داسې مسئله ده چې د دواړو هېوادونو تر منځ بايد حل شي. فكر كوم پاكستان منلې، چې د افغانستان سوله د سيمې او دې هېواد په ګټه ده.
وېل كېږي، چې پاكستان يو له هغو هېوادونو څخه دى، چې خاوره كې يي ترهګر پراخ فعاليت لري او د دې هېواد پر څارګرې ادارې تل افغان چارواكو تور لګولى، چې له وسله والو ياغيانو ملاتړ كوي.
سیمه ییز خبرونه
په کویټ کې د اورلګیدنې له کبله ۴۹ کارګران مړه شوي
له بلې خوا د فیلیپین د مهاجرینو د کار وزارت تائید کړې، چې په کویټ کې د اور لګیدو له کبله د دغه هېواد ۱۱ کارګران هم ټپیان شوي دي.
د کویت د کورنیو چارو وزارت اعلان کړی، چې په یوه ودانۍ کې د اور لګېدنې له کبله ۴۹ بهرني کارکوونکي مړه شوي دي.
د لومړنیو موندنو له مخې؛ دا پېښه د چارشنبې پر ورځ (د غبرګولي درویشتمه) د منکاف سیمې په دوه ودانیو کې د اور لګیدنې له کبله رامنځته شوې ده .
تر اوسه د اور لګېدنې د قربانیانو د هویت په اړه څه ویل شوي ندي.
رویټرز خبري سرچینې په کویت کې د هند سفارت د څرګندونو له مخې راپور ورکړی، چې په پېښه کې ۳۰ هندي کارکوونکي ټپیان شوي دي.
په کویت کې د هند سفارت ویلي، چې د ۴۷ کارکوونکیو درملنه په روغتونونو کې شوې ده.
له بلې خوا د فیلیپین د مهاجرینو د کار وزارت تائید کړې، چې په کویټ کې د اور لګیدو له کبله د دغه هېواد ۱۱ کارګران هم ټپیان شوي دي.
د کویت د لومړي وزیر مرستیال یوسف سعود الصباح د دې ودانۍ مالک له وانیزو پاملرنو څخه پر سرغړونه تورن کړ.
د کویت د کورنیو چارو وزیر شیخ فهد الیوسف الصباح د دغې پېښې مرګ ژوبله تایید کړې او د پېښې له ځای څخه یې د لیدنې پر مهال د ودانۍ د مالک د نیولو سپارښتنه کړې ده.
په دې پېښه کې د ځينو ټپيانو روغتيايي حالت د اندېښنې وړ ښودل شوی دی.
په کویټ کې کارګر کډوال د ټولنې ستره جوړوي.
د ملکي خوندیتوب او طبي ژغورنو ډلې توانیدلي، چې ۱۱ کسان ژغورل شوي دي.
د هند لومړي وزیر نریندرا مودي په ایکس پاڼه کې د اور لګیدلو خبرونه خواشینونکي وبلل او لیکي، چې: زه هغو کسانو ته، چې خپل نږدې او عزیزان او خپلوال یې له لاسه ورکړي خپلې خواخوږۍ مراتب وړاندې کوم او ټپیانو ته د ژر تر ژره رغېدو دعا کوم.
ویل کیږي د اورلګیدنې زیاتره مرګ او ژوبله د لوګي له کبله رامنځته شوې؛ خو د اورلګیدنې لامل تر اوسه معلوم ندی؛ خو په اړه یې څېړنې روانې دي.
دې ته ورته خبر::
ه نیویارک ښار کې له اورلګېدنې د ۹ ماشومانو په ګډون ۱۹ کسان مړه شوي
سیمه ییز خبرونه
په جمو کې ۴۲ هندو زیارت کوونکيو ته مرګ و ژوبله اوښتې – هندي پولیس
هندي پولیسو ویلي، چې د یکشنبې پر ورځ (د غبرګولي شلمه) د شکمنو تندلارو په برید کې ۹ هندو زیارت کوونکي وژل شوي او ۳۳ نور ټپیان دي.
د جمو د سیمهییزو پولیسو یوه چارواکي موهیټا شرما ویلي: وسلهوالو تند لارو پر بس برید کړی؛ بس په دره کې لوېدلی، چې له کبله یې ۹ کسان وژل شوي او ۳۳ نور ټپیان دي.
د هند پولیسو ویلي، چې د دې پېښې ټپیان نږدې روغتونونو ته لېږدول شوي او په سیمه کې د شکمنو بریدګرو د موندلو عملیات پیل شوي دي.
دا پېښه نن په داسې ورځ رامنځته شوې، چې نریندرا مودي د درېیم ځل لپاره د هند د لومړي وزیر په توګه لوړه وکړه.
د هندي زیارت کوونکیو وژنې ته په نغوته کې د نریندرا مودي د اپوزیسیون مشر راهول ګاندي پر ایکس پاڼه لیکلي: دا شرموونکې پېښه په جمو او کشمیر کې د خطرناک امنیتي وضعیت رښتینی انځور دی.
جمو او کشمیر، چې پاکستان یې هم د ملکیت ادعا لري؛ له لسیزو راپدیخوا د سخت دریځو اسلامپالو د تاوتریخوالي مرکز دی او لسګونه زره خلک پرې وژل شوي دي.
پر ۲۰۱۷ کال هم شکمنو وسلهوالو په جمو او کشمیر کې د هندو زیارت کوونکیو پر یوه بس برید کړی و، چې په کې اته کسان وژل شوي دي.
تېره ورځ د جمو د پولیسو مشر ویلي، چې په دې سیمه کې د ځايي تندلارو شمېر کم شوی، چې پر وینا یې یوازې په جمو کې له ۷۰ څخه تر ۸۰ بهرني تندلاري فعال دي.
له ۲۰۱۹ کال راپدیخوا، چې د هند د لومړي وزیر نریندرا مودي پر مشرۍ حکومت د کشمیر نیمه خپلواکي هم واخیسته؛ د هند پر وړاندې د کشمیري بېلتون غوښتوونکیو او تندلارو کرکه او غصه مخ پر زیاتېدو ده.
په ۱۹۴۷ کال کې د پاکستان او هند له خپلواکۍ وروسته، کشمیر، چې ډېري یې مسلمانان دي؛ پر دوه برخو ووېشل شو، چې یوه برخه د هند تر ادارې لاندې او بله یې د پاکستان تر ادارې لاندې ده.
هند او پاکستان – دوه اټومي وسله لرونکي سیال ګاونډیانو – د کشمیر پر سر دوه ځله جګړه کړې. که څه هم له دغو دواړو هېوادونو څخه هر یو د کشمیر یوه برخه تر خپلې ادارې لاندې لري؛ خو دواړه یې د بشپړ ملکیت ادعا لري.
سیمه ییز خبرونه
په پاکستان د یوې چاودنې له کبله ۷ پاکستاني پوځیان ووژل شول
د پاکستان پوځ د یکشنبې پر ورځ (د غبرګولي شلمه) ویلي، چې له افغانستان سره پولې ته څېرمه د پاکستان په شمال لویدیځ کې د پوځ پر یوه لارۍ د بمي چاودنې له کبله اووه پاکستاني پوځیان وژل شوي دي.
تر اوسه کومې ډلې د دې بمي برید مسوولیت ندی منلی.
د پاکستان د پوځ په خبرپاڼه کې راغلي، چې د پوځ یوه موټر ته څېرمه چاودنه شوې، چې له کبله یې د یوه افسر په ګډون اووه سرتېري وژل شوي دي.
دا پېښه د خیبر پښتونخوا قبایلي سیمې لکیمروټ په اړوند سیمه کې رامنځته شوې ده.
تحریک طالبان پاکستان په تېرو وختونو کې د ورته بریدونو مسوولیت منلی دی.
پاکستان تل ویلي، دا ډله په افغانستان او قبایلي سیمو کې شتون لري او د پاکستان د حکومت د نسکورولو لپاره وسلهواله مبارزه کوي.
د افغانستان اسلامي امارت تل د پاکستاني پوځ ادعاوې رد کړي او څرګندوي، چې په پاکستان کې د تاوتریخوالي زیاتوالی د اسلامآباد داخلي ستونزه ده.
-
لوبی4 days ago
هند له امریکا لوبه وګټله او د ۲۰ اوریز نړیوال جام دوهیم پړاو ته یې ګام پورته کړ
-
لوبی3 days ago
د افغانستان کرکټ ملي لوبډلې پاپوا نیوګیني ته ماتې ورکړه
-
سیمه ییز خبرونه4 days ago
په کویټ کې د اورلګیدنې له کبله ۴۹ کارګران مړه شوي
-
تازه خبرونه4 days ago
له شپږم پورته د نجونو د زدهکړو له ځنډېدا ۱۰۰۰ ورځې بشپړې شوې
-
لوبی3 days ago
کابل زلمی د کابل کرکټ غوره لیګ د دوهیم پړاو اتلولي خپله کړه
-
تازه خبرونه4 days ago
د افغانۍ ارزښت او په بانکونو کې د پیسو کچه مخ پر ښه کېدو ده – د افغانستان بانک
-
تازه خبرونه5 days ago
ایران ایر هوايي شرکت کابل ته خپلې الوتنې پيل کړې
-
لوبی2 days ago
حضرت الله ځاځي د مجیب الرحمن پر ځای په ۲۰ اوریز نړیوال جام کې لوبیږي