تازه خبرونه
مایک پمپیو روسیه، طالبانو ته د پیسو په ورکولو وګواښله
امریکایي چارواکو نیویارک تایمز ته ویلي، چې د امریکا بهرنیو چارو وزیر مایک پمپیو په روانه اوونۍ کې د روسیې بهرنیو چارو وزیر سرګي لاوروف ګواښلی، چې په افغانستان کې د امریکايي ځواکونو د وژلو لپاره طالب پلوه جنګیالیو ته ډالۍ ورکوي.
د تایمز د څرګندونو له مخې، طالبانو ته د روسیې لخوا د ډالیو ورکولو په اړه دا د یوه لوړ پوړي امریکايي چارواکي لومړنی سپکاوی دی. سره له دې، چې د امریکا ولسمشر دونالد ترمپ دا موضوع غولوونکې نومولې وه.
د راپور له مخې، پومپیو د جولای پر ۱۳ لاوروف ته د تیلیفون پرلیکه دا ګواښ کړی دی.
تایمز په ډاګه کړې؛ پومپیو لاوروف ته ویلي، چې امریکا د داسې ډالیو مخالفه ده.
دغو چارواکو تایمز ته دا هم ویلي؛ د بهرنیو چارو وزیر مایک پمپیو پر هغو معلوماتو، چې هېواد یې تر لاسه کړي پوره ډاډه دی.
د دغې تیلیفوني اړیکې راپور د هغو سرچینو لخوا نیویارک تایمز ته ورکړ شوی، چې نه غواړي نوم یې یاد شي.
پومپیو او د بهرنیو چارو وزارت نه غواړي د دې ګواښ او دې تورونو په اړه جزئیات خپاره شي، چې روسیه طالبانو ته ډالۍ ورکوي.
په لومړي ځل ورته راپورونه د روان کال په جون کې خپاره شول، چې روسیه طالبانو ته د امریکايي عسکرو د وژلو لپاره پیسې ورکوي.
د یادونې ده، چې ترمپ او روسیې دواړو دا تورونه رد کړي دي.
تازه خبرونه
په افغانستان کې به سبا د ګوزڼ یا پولیو واکسین کمپاین پیل شي
له پولیو څخه د پاک افغانستان ادارې څرګنده کړې، چې سبا (دوشنبه د غبرګولي څوارلسمه ) به په ټول افغانستان کې د ګوزڼ یا پولیو واکسین کمپاین پیل شي.
یادې ادارې نن ( يکشنبه د غبرګولي دیارلسمه) اعلان وکړ، چې په ټول هېواد کې د پوليو واکسين کمپاين دغه پړاو به څو ورځې روان وي.
له دې مخکې د روغتیا نړیوالې ټولنې ویلي وه، چې سږ کال یې په کونړ او نورستان ولایتونو کې د پولیو دوه مثبتې پېښې ثبت کړې دي.
د يادونې ده، چې افغانستان او پاکستان د نړۍ هغه دوه هېوادونه دي، چې د پوليو ناروغي په کې ختمه شوې نده.
تازه خبرونه
په پنجشېر کې د زمردو کان کېندونکیو ته له ۵۶۰ ډېر جوازونه وېشل شوي
د پنجشېر کانونو او پټرولیم رییس څرګنده کړې، چې د اسلامي امارت له واکمنۍ راوروسته په دې ولایت کې د کانونو غیر قانوني استخراج او قاچاق پای ته رسېدلی او د زمردو د قانوني او اصولي کان کېندنې لپاره مو تر اوسه له ۵۶۰ څخه ډېر جوازونه وېشلي دي.
د پنجشېر کانونو او پټرولیم رییس محمد قاسم امیري د کانونو او پټرولیم وزارت له چارسمبالي سره په کتنه کې زیاته کړې، چې له دې کار سره څه باندې لس زره پنجشېریانو ته د کار زمینه برابره شوې ده.
د کانونو او پټرولیم وزارت د خبرپاڼې له مخې؛ محمد قاسم امیري د پنجشېر د یاقوتو د ټولو کانونو د سروې او استخراج د جوازونو د وېش لپاره دې ولایت ته له دې وزارت څخه د سروې او تخنیکي ډلې د لېږلو غوښتنه وکړه.
په دې کتنه کې د کانونو او پټرولیم وزارت چارسمبالي شهاب الدین دلاور د پنجشېر خلکو ته د کاري فرصتونو په برابرولو او په دغه ولایت کې د یاقوت او زمرد د استخراج د جوازونو پر ورکولو ټینګار وکړ.
تازه خبرونه
اسلامي امارت د دوحې په ناسته کې پر معنا داره ګډون ټینګار لري – متقي
د بهرنیو چارو وزارت سرپرست امیر خان متقي ویلي؛ اسلامي امارت د افغانستان په اړه د ملګرو ملتونو پر ملاتړ د دوحې په درېیمه ناسته کې د معنا داره ګډون غوښتونکی دی.
امیرخان متقي دغه څرګندونې د افغانستان لپاره د اروپايي ټولنې له ځانګړي استازي ټوماس نیکلاسون سره په کتنه کې کړې دي.
د بهرنیو چارو وزارت لخوا په خپره شوې خبرپاڼه کې راغلي؛ امیر خان متقي په کابل کې د ملګرو ملتونو د سیاست او سولې په چارو کې د ملګرو ملتونو د عمومي منشي له مرستیالې رزماري این ډي کارلو سره د ترسره شویو ګټورو خبرو په رڼا کې ویلي، چې د دوحې په درېیمه ناسته کې ګډون د ارزونې په حال کې دی، چې له پایلو وروسته به په دې اړه وروستی دریځ اعلان شي.
هغه ویلي؛ د افغانستان اسلامي امارت پالیسي د نړۍ له ټولو هېوادونو سره د متوازن او مثبت تعامل پر بنسټ ولاړه ده او د دوحې په درېیمه ناسته کې د معناداره ګډون غوښتونکي دي، چې پایله یې د افغان ولس او هېواد د سوکالۍ سبب شي.
متقي ويلي، چې افغانستان له ۴۵ کلنې جګړې او بربادۍ وروسته اوس په بېلابېلو برخو کې د پام وړ مثبتې لاسته راوړنې لري.
ټوماس نیکلاسون د دوحې په درېیمه ناسته کې د اسلامي امارت د استازو د ګډون پر اهمیت ټینګار کړی او څرګندوي، چې په دې غونډه کې به پر مهمو مسایلو خبرې وشي.
نوموړي له متقي سره د لیدنې په اړه خپل نظرونه هم شریک کړل.
ټاکل شوې د افغانستان په اړه په دوحه کې درېیمه غونډه د جون پر دېرشمه جوړه شي.
د افغانستان اسلامي امارت د کنفرانس په تېر پړاو کې پخپلو غوښتنو د ټینګار له کبله له ګډون ډډه کړې وه.
-
سیمه ییز خبرونه4 days ago
نواز شریف یو ځل بیا د پاکستان د واکمن مسلم لیګ ګوند مشري پر غاړه واخیسته
-
نړۍ4 days ago
په رفح کې پر اسرائيلي بريدونو لسګونه فلسطينيانو ووژل شول
-
نړۍ3 days ago
اسرائیلي ځواکونو د غزې او مصر د پولې کنټرول هم تر لاسه کړ
-
تازه خبرونه4 days ago
له نړۍ سره د اسلامي امارت تعامل وارزول شو
-
تازه خبرونه3 days ago
په کابل کې د نجونو کافي خونه او کتابتون پرانستل شو
-
لوبی3 days ago
د افغانستان او عمان ترمنځ د کرکټ روزنیزه لوبه بې پایلې پای ته ورسېده
-
تازه خبرونه3 days ago
د زدهکوونکیو د خوراکي خوندیتوب لپاره ۱۰ میلیون یورو مرسته کیږي – اروپايي ټولنه
-
تازه خبرونه3 days ago
د اروپايي ټولنې او قطر استازو د افغانستان په اړه خبرې وکړې