تازه خبرونه
محمدخان: د افغان جګړې د تمويل سرچينې دې وموندل شي
د اجرايه رييس لومړي مرستیال محمدخان په نړیوالو غږ وکړ چې د افغانستان د جګړې ريښې پیدا کړي. محمدخان وايي که د جنګ د تمویل سرچینې ونه موندل شي د افغانستان په کلیو کې د ترهګرۍ په خلاف روانه جګړه به کوم ځای ونه نیسي.
محمدخان ویلي چې یو شمېر هېوادونه او کړۍ د افغانستان د اشغال هڅه کوي. د کورنیو چارو وزیر وايي چې د جګړې کرښې یو څه ارامه شوې او وسله والو مخالفینو په ښارونو کې په چاودنو او ځانمرګو بریدونو تمرکز کړی دی.
د شاوخوا ۵سوو سرتېرو فراغت په مراسمو کې چارواکي وايي چې نړیوال باید د جګړې اصلي جرړې ومومي. د اجرايه ریاست مرستیال وايي که د جګړې د تمویل سرچینې وچې نه شي، د افغانستان په کلیو کې روانه جګړه به کوم ځای ونه نیسي.
د اجرايه ریاست لومړی مرستیال محمدخان وايي: “نړيوال بايد پيداکړي چې د جګړې ريښې چېرته دي، له کومه ځايه تجهيز کېږي او سرچينه اخلي، شونې نه ده د هېواد په کليو او بانډو کې د ترورېزم د اوسنۍ جګړې مخه ونيسو.”
د محمدخان په باور دا یوازې افغانستان نه دی چې د ترهګرۍ له اړخه ځورېږي. هغه د ترهګرو او سخت دریځو په خلاف د مبارزې له پاره په سیمه يیزو همکاریو ټینګار وکړ.
د اجرايه ریاست لومړی مرستیال زیاتوي: “په افغانستان کې ناکامې تجربې تکرار شوې او اوس ځينې هېوادونه د افغانستان د اشغال له پاره ناکامې تجربې ازمويي.”
د کورنیو چارو وزیر بیا وايي چې د جګړې کرښې یو څه ارامه شوې او وسله وال مخالفین هڅه کوي چې په ښارونو کې چاودنې او ځانمرګي بریدونه وکړي.
د کورنیو چارو وزیر تاج محمد جاهد وايي: “په سړه هوا کې د خلکو دښمنان د جګړې له جبهو ورو ورو کمېږي او په لويو ښارونو کې په ځانمرګو او چاودنو تمرکز کړي، خو موږ د لويو لارو د ساتنې له پاره لازم تدبيرونه نيولي دي.”
اندېښنې داسې دي چې که افغان ځواکونه په روان ژمي کې له لاسه وتلې سیمې ونه نیسي او وسله وال طالبان و نه ځپي، راتلونکی پسرلی به سختې جګړې وشي.
تازه خبرونه
په بدخشان ولایت کې ماین چاودنې ۸ کسانو ته مرګ او ژوبله اړولې
کورنیو چارو وزارت تائید کړې، چې په بدخشان ولایت کې د یوه نښلېدونکي ماین په چاودنه کې ۳ امنیتي سرتېري وژل شوي او ۵ نور ټپیان دي.
د کورنیو چارو وزارت ویاند عبدالمتین قانع وايي: له بده مرغه نن له غرمې مخکې شاوخوا ۱۱ بجې د بدخشان ولایت د فیضآباد ښار د جوزون په اړوند سیمه کې پر موټرسایکل نښلول شوي ماین چاودنه کړې ده.
د عبدالمتین قانع زیاته کړې؛ دغه ماين هغه مهال چاودنه وکړه، چې د پوليسو د موټرو یو کاروان له ياد سړک څخه د کوکنارو د کښت د له منځه وړلو لپاره له سیمې څخه د تېرېدو په حال کې و.
ده زياته کړې، چې دغه پېښه د پوليسو تر څېړنې لاندې ده.
تر اوسه کومې ډلې یا شخص د دې پېښې مسوولیت پر غاړه ندی اخیستی.
تازه خبرونه
د سې شنبې پر ورځ خراسان او سرخ پوشان لوبډلو لوبه وګټله
د سې شنبې پر ورځ ( د غویي اتلسمه) د افغانستان فوټبال اتلانو لیګ د سیالیو په پېنځه دېرشمه لوبه کې د خراسان فاریاب لوبډلې کابل استقلال لوبډلې ته ۱ د صفر پر توپیر ماتې ورکړه.
د خراسان فارياب لوبډلې لوبغاړي فريد احمد يو ګول وواهه او د ميدان غوره لوبغاړی ونومول شو.
دغه راز په شپږدېرشمه لوبه کې سرخ پوشان خوافې لوبغاړو سرسبز یاشلر لوبډلې ته ۴ پر۱ ماتې ورکړه.
حبيب الله هوتک او اميد رجبي د سرخپوشانو لوبغاړو ګولونه وکړل او حبيب الله هوتک هم وتوانېد، چې د ډګر د غوره لوبغاړي نوم خپل کړي.
د نن چارشنبه د ثور نولسمه د غرمې ۱:۳۰ ابو مسلم فراه او عدالت فراه او له غرمې وروسته ۳:۳۰ بجې میوند او جوانان واحدي لوبډلې سره مخ کېږي.
د يادونې ده، چې دغه سيالۍ له آريانا ټلويزيون څخه پر ژوندۍ بڼه خپرېږي.
تازه خبرونه
د پاکستان خاوره د افغانستان پر ضد کارول کیږي
د افغانستان ملي دفاع وزارت د پاکستان د پوځ د ویاند وروستۍ ادعا، چې په پاکستان کې پر چینايي اتباعو وروستی برید د افغانستان له خاورې پلان شوی و، له حقیقته لرې بولي او پر کلکه یې ردوي.
عنایت الله خوارزمي وایي، چې داعش له پاکستان څخه د افغانستان خاورې ته را اوښتي او موخې یې له هغه ځایه تنظیم شوې دي.
د دفاع وزارت ویاند دا هم په ډاګه کړې، چې پاکستان باید دغو کړنو ته پخپله ځواب ورکړي.
د ملي دفاع وزارت وياند عنايت الله خوارزمي ويلي، د خيبر پښتونخوا په يوه سيمه کې، چې د پاکستان د پوځ تر امنيتي پوښښ لاندې ده؛ د چينايي وګړو وژل کېدل د امنیتي بنسټونو خپله کمزوري ده او یا هم له بریدګرو د دوی د همکارۍ ښکارندویي کوي.
ویل کیږي، چې اسلامي امارت په دې اړه چین ته ډاډ ورکړی او دوی هم په دې خبره پوه شوي، چې افغانان په داسې مسایلو کې ښکېل ندي.
-
تازه خبرونه3 days ago
په غور کې د سېلابونو له کبله سلګونه خلک بې ځایه شول
-
تازه خبرونه3 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه3 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه2 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
نړۍ2 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
سوداگري3 days ago
د ترکمنستان د سوداګرو او صنایعو اتحادیې مشر هرات ته سفر وګړ
-
لوبی2 days ago
ابو مسلم فراه افسي میوند فوټبال لوبډلې ته ۹ پر ۱ ماتې ورکړه
-
نړۍ2 days ago
د غزې په جګړه کې مو د مصر او قطر د اوربند وړاندیز منلی – حماس