سیمه ییز خبرونه
مخابراتي شركتونو افغان دولت ته له يو ميليارد دالرو ډېر عايد سپارلى
ولسي جرگې د چهارشنبې په ورځ( د وري۲۱) د مخابراتي شركتونو د فعاليتونو د معلوماتو په اړه د مخابراتو او معلوماتي تكنالوژۍ او ماليې وزيران عمومي غونډې ته ورغوښتي ول.
د مخابراتو او معلوماتي تكنالوژۍ وزير اميرزى سنگين وايي:
افغان دولت په تېرو لس كلونو كې له مخابراتي شركتونو څخه له يو ميليارد دالرو ډېر عوايد ترلاسه كړي دي.
ښاغلي سنگين په ډاگه كړه، چې:
د افغان بيسيم مخابراتي شركت په تېرو څو كلونو كې ۱۷۹ ميليون دالر عوايد ترلاسه كړي، چې شل سلنه يې د دولت بودجې ته ليږدول شوي دي.
د مخابراتو د وزير په وينا، افغان بيسيم مخابراتي شركت يوازنى شركت دى، چې د دغه وزارت له خوا ټاكل شوي مقررات يې رعايت كړي او تراوسه هيڅ نه دى جريمه شوى.
له بلې خوا د ماليې وزير داكتر عمر زاخېلوال په افغانستان كې د پانگونې د كچې پر ټيټوالي اندېښنه ښيي.
كه څه هم نوموړى د دې ټيټوالي د كره كچې په اړه څه نه وايي؛ خو له دولت څخه غواړي، چې پانگوال پانگونې ته وهڅوي.
د افغان بيسيم مخابراتي شركت له لس كلونو را پديخوا په افغانستان كې فعاليت كړى، چې په اوسني حال كې يې ټول افغانستان ترمخابراتي پوښښ لاندې راوستى دى.