ساینس او ټیکنالوژي
مرسدس شرکت خپلو مینه والو ته برښنایي بنز معرفي کړ
مرسدس شرکت خپلو مینه والو ته داسې برښنایي بنزموټر تولید اومعرفي کړ، چې پر یو ځل چارج زر کیلومټره سفر کولی شي.
رویټرز څرګنده کړې: ډایملر، چې ډېر ژر به د مرسدس بنز نوم خپل کړي؛ په ۲۰۲۱ زېږدیز کال کې څرګنده کړې وه، چې غواړي تر ۲۰۳۰ کاله پورې له ټسلا شرکت سره د سیالۍ لپاره پر برښنایي موټرو له ۴۰ میلیارډ یورو یا ۴۵ میلیارډ ډالرو دېره پانګونه وکړي او سربېره پردې به د بټرۍ جوړولو ۸ کارخونې هم ولري.
دا بنز موټر به په هرو سل کیلومټرو کې له ۱۰ کیلو واټه لږ لګښت ولري.
د ټسلا ویب پاڼې څرګندونې ښیي، چې دمګړۍ د دې شرکت اس ـ ۶۰ ماډل په هرو ۱۸۸ کیلومټره کې ۱۸ اعشاریه یو کیلو واټه برښنایي لګښت لري.
د راپور له مخې؛ د مرسدس بنز برقي موټرو جوړولو دې بېلګې ۱۸ میاشتې وخت نیولی او تر اوسه هم معلومه نده، چې د دې موټرو وروستۍ نسخه به کله بازار ته وړاندې شي.
ساینس او ټیکنالوژي
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
د IDC څېړنیز انسټیټیوټ راپور ښیې، چې د ۲۰۲۴ ز.کال په لومړۍ ربع کې د اپل آی فون بازار د انډرایډ ګرځند له تولید سره په سیالۍ کې سوړ شو.
د رویټرز خبري آژانس د راپور له مخې؛ د جنورۍ او مارچ په میاشت کې د نړۍ بازارونو ته ۷ اعشاریه ۸ سلنه وده وکړه، چې شمېر یې ۲۸۹ اعشاریه ۴ میلیون ته ورسېد.
د ګرځند جوړونکي شرکت (سامسونګ) د بازار ونډه ۲۰ اعشاریه ۸ راغله او په دې توګه یاد شرکت له اپل څخه له ټولو د لوی ګرځند پلورونکي مقام خپل کړ.
اپل د ۲۰۲۴ کال په تېرو درې میاشتو کې ۵۰ اعشاریه ۱ میلیون آی فونونه پلور ته وړاندې کړل، چې دا د تېر کال د ورته وخت پر پرتله ۵۵ اعشاریه ۴ میلیون کم دي. همدارنګه د ۲۰۲۳ په وروستیو دریو میاشتو کې هم چین ته د آی فون د وړاندې کولو په کچه کې ۲ اعشاریه ۱ کموالی راغلی و.
ساینس او ټیکنالوژي
د جاپان سپیس ون کایروس توغندی له توغېدو وروسته وچاودېد
د چارشنبې پر ورځ د جاپان سپیس ون کایروس کوچنی تېل سوځوونکی توغندی له توغولو لږ وروسته وچاودېد.
د رویټرز د څرګندونو له مخې؛ دغه ۱۸ مټره توغندی پر ځایي وخت ۱۱:۰۱ له توغولو لږ وروسته وچاودېد، چې لوګی او اور یې د رسنیو په انځورونو کې لیدل کیږي.
سپیس ون ویلي؛ دوی د جاپان د لویدیځ ټاپو په څنډه کې توغېدا لغو کړه او په اړه یې ارزونې هم پیل شوې دي.
د ځایي واکایاما حکومت والي شوهی کیشیموتو خبریالانو ته د سپیس ون له معلوماتو وروسته ویلي، چې یوه ستونزه د دې سیسټم د توغېدو خنډ شوې ده.
هغه په ډاګه نکړه، چې ستونزه څه ده.
کیشیموتو زیاته کړې، چې د توغندي د توغېدا مرکز ته هیڅ زیان نه دی رسیدلی او اور هم مړ شوی دی.
کایروس یوه تجربه لرونکې دولتي سپوږمکۍ لېږدوله، چې کولی یې شول په لنډمهاله توګه معلوماتي او استخباراتي سپوږمکۍ په مدار کې ځای پر ځای کړي.
که څه هم جاپان په فضایي سیالیو کې نسبتا کوچنی لوبغاړی دی؛ خو د توغندیو توغولو لپاره د ارزانه وسایطو د جوړولو هڅې کوي.
ساینس او ټیکنالوژي
فیسبوک او انسټاګرام له لنډې پرچاوۍ وروسته بېرته فعال شول
د رویټرز د څرګندونو له مخې؛ د سې شنبې پر ورځ د میټا اړوند فیسبوک او انسټاګرام د دوه ساعته تخنیکي ستونزو له کبله بېرته فعال او په ټوله نړۍ کې یې سلګونه زره کاروونکي اغېزمن کړل.
د میټا اړوند سرچینو ویلي؛ یوه تخنیکي مسله د دې لامل شوه، چې خلک زمونږ خدماتو ته د لاسرسي په اړه له ستونزې سره مخ شي.
د میټا ویاند انډي سټون په ایکس پاڼه کې له بشپړې څرګندونې پرته ولیکل، چې مونږ د خپلو اغېزمنو شویو لپاره اړوند مسله حل کړه .
سټون د فیسبوک او انسټاګرام له کاروونکیو څخه د دې ستونزې له پېښېدا بښنه وغوښته.
دا شرکت د WhatsApp او Threads په ګډون شاوخوا ۳ اعشاریه ۱۹ میلیارد ورځني فعال کاروونکي لري.
په هر حال د واټس اپ او ترایډ لپاره بندښت خورا کوچنی و.
د رویټرز د لیدل شويو پوسټونو له مخې؛ د میټا ډېرو کارمندانو په نامعلوم پیغام رسولو اپلیکیشن بلینډ کې څرګنده کړې، چې دوی نشي کولی خپل داخلي کاري سیسټمونو ته ننوځي. ان دوی حیران شول، چې له دندې ګوښه شوي دي.
د وېبپاڼو څارونکې ډاونډيټکټر څرګنده کړې، چې د فیسبوک پرچاوۍ په اړه ۳۰۰ زره او دغه راز د انسټاګرام د پرچاو کېدو په اړه ۲۰ زره شکایتونه ترلاسه شوي دي.
د یادونې ده، چې په ۲۰۲۱ ز. کال کې هم د فیسبوک، انسټاګرام او وټسآپ خدمات د تخنیکي ستونزو له کبله څو ساعتونه بند شوي وه.
-
لوبی4 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي3 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
نړۍ2 days ago
امريکا او متحدین یې پر ايران د نورو بنديزونو لګولو هڅې کوي
-
تازه خبرونه4 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
تازه خبرونه3 days ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
نړۍ4 days ago
امریکا به پر ایران د اسرائیلو په ځوابي برید کې برخه وانخلي
-
لوبی2 days ago
آریانا ټلویزیون د ۲۰۲۴ پاریس المپیک سیالیو د خپراوي حق ترلاسه کړ
-
سیمه ییز خبرونه2 days ago
سعودي عربستان به په پاکستان کې پر بېلابېلو پروژو پانګونه وکړي