تازه خبرونه
ناپېژاندو وسله والو د فوايد عامې مرستيال وزير تښتولی دی
Last Updated on: لړم ۳, ۱۴۰۱
احمد شاه وحيد نن سهار(د وري۲۶) شاوخوا اووه بجې ناڅرگندو وسلوالو تښتولى دى.
كورنيو چارو وزارت منلې، چې ښاغلى وحيد هغه مهال د ښار له شمالي برخې خيرخانې څخه وسلوالو وتښتاوه، چې له خپل کور څخه د دفتر پر لوري روان و.
سرچينې زياته كړې، چې د لټون عمليات يې پيل شوي او تښتوونكي به د قانون منگولو ته وسپارل شي.
د فوايد عامې وزارت سرچينو هم منلې، چې د احمد شاه وحيد د تښتولو پر مهال وسلوالو ډزې هم کړي، چې په کې د ښاغلي وحيد موټر چلوونکی ټپي شوی دی.
د دوى په وينا، موټر چلوونکی يې اوس په روغتون كې تر درملنې لاندې دى.
د بريد لامل او د تښتوونكيو موخه تر دې دمه څرگنده شوې نه ده.