سیمه ییز خبرونه
نعمت الله شهرانی: اسلام د افراط او تفریط دین ندی
په كابل كې د اعتدال مرکز په رسمي توګه پرانستل شو. د دغه مرکز مشر د وسله والو طالبانو افراطی کړنې د اسلام خلاف عمل وباله او زياته يې كړه، چې د اسلام له نظره د هغوى كړنې د منلو وړ ندي.
هغه وویل، چی اسلام د افراط او تفریط دین ندی او باید، چې د اسلام واقعي شرایط په افغانستان کي عملي شي.
د افغانستان د وزيرانو شورا د د تېر كال د پرېكړې له مخې د اعتدال مركز جوړ شو.
نعمت الله شهرانی د اافغانستان د اعتدال د مرکز رئیس وايي:
هېواد اوسنیو شرایطو ته په کتو د افراط او تفریط له بحران سره مخامخ دى نو دغه مركز به هڅه كوي، چې د غېر اسلامي كړنو پر خلاف د خلكو ذهنونو د اسلامي ارشاداتو په رڼا كې روښانه كړي.
د دغه مركز رئيس نعمت الله شهراني همدارنګه وايي، چې همدا اوس په افغانستان كې د اسلام په نوم ځيني ډلې داسې كارونه كوي، چې له اسلام سره په ټكر كې دي او له بلې خوا ځيني نور بيا هڅې كوي، چې افراطي ډېموكراسي عملي كړي.
د افغانستان د اعتدال مرکز به هڅه وكړي، چې د اسلام د اعتدال د نظريې او تګلوري د عامولو او افراط او تفريط سره د مبارزې لپاره ديني عالمان وهڅوي، رسالې او كتابونه وليكي او سيمينارونه جوړ كړي.