تازه خبرونه
نهه آسترالیايي سرتېرو په افغانستان کې ځانوژنه کړې
دیلي میل د څرګندونو له مخې؛ آسترالیا ۹ سرتېرو په تېرو درې اوونیو کې د هغو راپورونو له خپرېدو وروسته ځانوژنه کړې، چې د ۳۹ افغان ملکي وګړیو په وژنه کې ښکېل بطزندل شوی دي.
دې پلټنې څلور کاله وخت ونیو، چې د جګړې له ډګرونو پرته د ملکي وګړیو له ناقانونه وژنو پرده پورته کړي.
د دغې څېړنې سم شوی راپور د شنبې پر ورځ خپور شوی دی.
د دیلي میل راپور ښیي؛ په تېرو درې اوونیو کې د اته آسترالیايي نرینه وو سرتېرو په ګډون یوې میرمنې ، چې عمرونه یې د ۲۰ او ۶۰ کالو ترمنځ ول ځانوژنه کړې.
د راپور له مخې: د دې هېواد ګڼشمېر سرتېرو، چې په دې وروستیو کې ځانوژنه کړې؛ د آسترالیا پوځي تاریخ یې ساری نلري.
د آسترالیا روغتیایي کارمندانو دا یوه رواني ناروغي ښودلې ده.
د ملي پخلاینې عالي شورا مشر عبدالله عبدالله د دغو راپورونو په ځواب کې ویلي: دغه وحشت د توجیه وړ ندی. څه، چې پیښ شوي او د پوهیدو وړ ندي او دې جنایت زه هم حیران کړی یم.