Connect with us

تازه خبرونه

نړیوال بانک له افغانستان سره له یو میلیارډ ډالرو ډېره مرسته اعلان کړه

خپور شوی

د

نړیوال بانک پرون (سې شنبه دکب ۱۰) په ډاګه کړه، چې د افغانستان له یو میلیارډ ډالرو ډېرې کنګل شوې شتمني د امانت صندوق ته ومنلې.

رویټرز د یوې باخبرې سرچینې د څرګندونو له مخې راپور ورکړی، چې دا پیسې به د اسلامي امارت تحریم شویو چارواکو ته ذ لاسرسي وړ نه وي.

اوس مهال نړیوال بانک نشي کولی دا پیسې مستقیماً اسلامي امارت ته ورکړي؛ ځکه د اسلامي امارت حکومت تر اوسه د نړیوالې ټولنې لخوا په رسمیت پېژندل شوی ندی.

د راپور له مخې، دا پیسې به د ملګرو ملتونو بېلابېلو ادارو او نړیوالو نادولتي بنسټونو ته ورکړ شي، چې د بشري او اقتصادي بحران د مخنیوي هڅې آسانه کړي. د راپور له مخې، دا پیسې به د اسلامي امارت له  لاسرسي لرې پاتې وي.

رویټرز راپور ورکړی، چې دا پیسې به د پوهنې، کرنې، روغتیا او کورني پروګرامونو په اړوند برخو کې ولګول شي.

همدارنګه فرانس پرس راپور ورکړی، چې د افغانستان د بیارغونې وجهي صندوق له هغې وروسته رامنځته شو، چې د ۲۰۲۱ زېږدیز کال په ډسمبر کې د بشري ناورین او سخت ژمي سره د مبارزې لپاره افغانستان ته ۲۸۰ میلیون ډالر ورکړ شوي وه.

نړیوال بانک ویلي، چې د لومړي ګام په توګه به د افغانستان د بیارغونې صندوق تمویل کوونکي د نږدې ۶۰۰ میلیون ډالرو پر ارزښت د څلورو پروژو په اړه پرېکړه وکړي، چې د پوهنې، روغتیا، کورنیو او کرنې په برخو کې د بېړنیو اړتیاوو او همدارنګه د ټولنې د ښه والي په برخه کې مرسته وکړي.

یاد بانک زیاته کړې، چې په راتلونکیو اوونیو کې به د دې پروژو د طرحې او بودجې د وروستي کولو لپاره د افغانستان د بیارغونې صندوق له تمویلوونکیو او شریکانو سره له نږدې هڅې پیل کړي.

نړیوال بانک د تیر کال د اګست پر ۱۵ له هغې وروسته له افغانستان سره خپلې مرستې وځنډولې، چې اسلامي امارت یږو ځل بیا د دغه هېواد په پلازمېنه کابل کې بیا واک تر لاسه کړ.

د ملیونونو افغانانو د ژوند د ښه کولو لپاره د افغانستان د بیارغونې له وجهي صندوق سره په میلیارډونو ډالر نړیوالې مرستې شوې دي.

نړیوال بانک دغه بسپنه د مرستندویه همکارانو پر استازیتوب اداره کوي.

دغه صندوق د تېر حکومت پر مهال د افغانستان د پرمختګ تر ټولو لوی تمویلوونکی و او حکومت د بودجې څه باندې ۳۰ سلنه یې تمویلوله.

د اسلامي امارت له واک ته رسېدو وروسته د افغانستان خلک د بې ساري بانکي او بشري مرستو له بندیز سره مخ شول، چې نه یوازې ترې بېوزلۍ رامنځته شوه، بلکې د خوراکي توکو له کمښت سره هم مخ شول. د نړیوالو مرستو کمول او بندول په افغانستان کې د بشري او اقتصادي بحران لوی لامل بلل شوی دی.

د نړیوال بانک دا پرېکړه له هغې وروسته وشوه، چې د امریکا ولسمشر جوبایډن د فبرورۍ پر ۱۱ یو اجرائیوي فرمان لاسلیک کړ، چې په افغانستان کې د بشري او اقتصادي بحران د حل لپاره د افغانستان د مرکزي بانک کنګل شوې شتمنۍ د یوې برخې د کارولو اجازه ورکړه.

تازه خبرونه

امیرخان متقي او د سره صلیب عملیاتي مشرې د بشري همکاریو پر پراختیا ټینګار وکړ

د بهرنیو چارو وزارت په خپره شوې خبرپاڼه کې راغلي؛ په دې لیدنه کې د هېواد بشري اړتیاوې، د راستنېدونکو کډوالو د شمېر زیاتوالی، روغتیايي خدمتونه او د جګړو له پېر پاتې ستونزې وارزول شوې.

Published

on

Last Updated on: وږی ۵, ۱۴۰۵

د اسلامي امارت بهرنیو چارو وزیر امیرخان متقي د سره صلیب نړیوالې کمیټې د عمومي عملیاتي چارو له رییسې یاسمین پراز دسیماز سره وکتل او د افغانستان د بشري وضعیت په اړه یې خبرې وکړې.

د بهرنیو چارو وزارت په خپره شوې خبرپاڼه کې راغلي؛ په دې لیدنه کې د هېواد بشري اړتیاوې، د راستنېدونکو کډوالو د شمېر زیاتوالی، روغتیايي خدمتونه او د جګړو له پېر پاتې ستونزې وارزول شوې.

دواړو لوریو د سره صلیب نړیوالې کمیټې د بشري همکاریو پر دوام او پراختیا ټینګار وکړ او په روغتیا او نورو بشري برخو کې یې د ډېرو همکاریو او همغږۍ لپاره چمتووالی څرګند کړ.

په دې لیدنه کې همداراز ویل شوي، چې افغانستان له یوې اوږدې جګړه‌ییز پېر وروسته اوس د پراختیا او اقتصادي ودې نوي پړاو ته داخل شوی؛ خو د جګړې د قربانیانو ځینې ستونزې او اړتیاوې اوس هم پاملرنې ته اړتیا لري.

Continue Reading

تازه خبرونه

د پاکستان په چترال کې د اسلامي امارت مخالفان پناه‌ځایونه لري – د بدخشان چارواکي

د بدخشان امنیه قومندان عبدالبصیر مظهري ويلي، چې د اسلامي امارت مخالفان د ډیورنډ فرضي کرښې ته نږدې د چترال په اړوند سیمه کې پناه‌ځایونه او روزنیز مرکزونه لري او هڅه کېږي، چې د شاه سلیم کوتل له لارې د افغانستان د شمال ختیځو ولایتونو ثبات ګډوډ شي.

Published

on

Last Updated on: وږی ۵, ۱۴۰۵

د بدخشان امنیتي چارواکو ويلي، چې اوس‌مهال د دې ولایت په زیباک ولسوالۍ کې هیڅ امنیتي ستونزه نشته؛ خو پاکستان د چترال په سیمه کې د اسلامي امارت له مخالفانو ملاتړ کوي او هغوی ته یې د روزنې او پالنې زمینه برابره کړې ده.

د بدخشان امنیه قومندان عبدالبصیر مظهري ويلي، چې د اسلامي امارت مخالفان د ډیورنډ فرضي کرښې ته نږدې د چترال په اړوند سیمه کې پناه‌ځایونه او روزنیز مرکزونه لري او هڅه کېږي، چې د شاه سلیم کوتل له لارې د افغانستان د شمال ختیځو ولایتونو ثبات ګډوډ شي.

هغه ویلي:« داسې شواهد شته، چې پاکستان د نظام مخالفانو لپاره فرضي کرښې ته څېرمه پناه‌ځایونه او روزنیز مرکزونه جوړ کړي دي. په شمال کې بدخشان یوازنی ولایت دی، چې له پاکستان سره ګډه پوله لري. پاکستان د نظام مخالفان په چترال کې راټول کړي دي.»

نوموړي زیاته کړې؛ د دې ولایت د زیباک ولسوالۍ په مرکز کې د خلکو ژوند په عادي ډول روان دی او د نښتو هیڅ نښه نه‌‌لیدل کېږي.

د زیباک اوسېدونکي وايي؛ اوس‌مهال په ډاډه امنیت کې ژوند کوي؛ خو له حکومت څخه غواړي، چې د هر ډول ناامنۍ د مخنیوي لپاره په سرحدي سیمو کې امنیتي تدابیر زیات کړي.

د زیباک یوه اوسېدونکي واحد نومي ویلي:« خلک په امن او امان کې ژوند کوي او هیڅ اندېښنه نه‌لرو.»

یوه بل اوسېدونکي فرید هم د افغانستان او پاکستان په سرحدي سیمو کې د نښتو په اړه په خواله رسنیو کې خپرو شویو راپورونو ته داسې نغوته کړېده؛ د خلکو غوښتنه د پولو د امنیت ټینګول دي.

امنیتي چارواکي وايي، چې د اسلامي امارت ځواکونه په سرحدونو کې ځای پر ځای شوي او له هر ډول ګواښ سره د مقابلې لپاره چمتو دي.

د سیمه‌ییزو چارواکو د معلوماتو له مخې، زیباک ولسوالي له درې لارو د ډیورنډ فرضي کرښې هغې غاړې سیمو سره لاره لري او په دغو سیمو کې امنیتي ځواکونه د تیارسۍ په حال کې دي.

Continue Reading

تازه خبرونه

یو میلیون افغان ماشومان د خوارځواکۍ له کبله د مړینې له ګواښ سره مخ دي- یونیسف

یونیسف د سې‌شنبې پر ورځ ویلي، چې په ټول افغانستان کې شاوخوا ۳.۷ میلیون ماشومان له ډنګرېدا یا حادې خوارځواکۍ سره مخ دي.

Published

on

د ملګرو ملتونو د ماشومانو وجهي صندوق(یونیسف) خبرداری ورکړی، چې په افغانستان کې شاوخوا یو میلیون ماشومان له سختې او ژوند ګواښوونکې خوارځواکۍ سره مخ دي او که بېړنۍ پاملرنه ورته ونهشي، ښايي خپل ژوند له لاسه ورکړي.

یونیسف د سې‌شنبې پر ورځ ویلي، چې په ټول افغانستان کې شاوخوا ۳.۷ میلیون ماشومان له ډنګرېدا یا حادې خوارځواکۍ سره مخ دي.

په افغانستان کې د یونیسف استازي تاج‌الدین ایوالي ویلي، شاوخوا یو میلیون ماشومان پر سختې خوارځواکۍ اخته دي، چې د حادې لوږې له تر ټولو خطرناکو بڼو څخه ده.

هغه په یوه خبري غونډه کې څرګنده کړې:« که درملنه یې ونه‌شي او هڅې چټکې نه‌کړو، یو میلیون ماشومان د مړینې له ګواښ سره مخ کیږي.»

ایوالي زیاته کړې، په ټول افغانستان کې د خوارځواکۍ کړکېچ د خرابېدا په حال کې دی او د روان کال له پیل راپدېخوا له ۵۰۰ زره څخه ډېرو ماشومانو د منځنۍ او سختې خوارځواکۍ له ګبله په روغتونونو کې روغتیايي پاملرنې ته اړتیا پیدا کړې ده.

د یونیسف د څرګندونو له مخې: نږدې ۴۰ سلنه هغه ماشومان، چې د سختې خوارځواکۍ او له هغې سره د تړلو روغتیايي ستونزو له کبله په روغتونونو کې بسترېږي؛ له شپږ میاشتو کم عمره ماشومان دي. همداراز له دوه کلونو کم عمره ماشومان د سختې خوارځواکۍ له ۸۰ سلنې څخه ډېر دي.

ایوالي ویلي، خوارځواکي په افغانستان کې د کم‌عمره ماشومانو د مړینې په زیاتېدا کې مهم رول لري.

دې وضعیت پر روغتونونو هم فشار زیات کړی دی.

د تېر کال په جولای کې د سختې خوارځواکۍ شاوخوا ۶ زره پېښې ثبت شوې وې؛ خو د سږ کال په جولای کې دا شمېر نږدې یو پر درېیمه برخه زیات شوی او له ۸ زره اوښتی دی.

ایوالي ویلي، د افغانستان په ځینو سویلي سیمو کې روغتونونه اوس په هره موجوده بستره کې درې یا څلور سخت خوارځواکي ماشومان مني.

Continue Reading
Advertisement

Trending

Copyright © 2026 Ariana News. All rights reserved!