د هوا حالاتو بدلونونه
هر کال لږ تر لږه ۳.۶ میلیارد خلک د یوې میاشتې لپاره پوره اوبه نلري
د هوا پېژندنې نړیوالې ټولنې په خپل تازه راپور کې څرګنده کړې، چې د اقلیم د بدلون او وچکالۍ له کبله دا مهال په نړۍ کې ۳.۶ میلیارد خلک په کال کې لږ تر لږه د یوې میاشتې لپاره اوبو ته له پوره لاسرسۍ بې برخې دي.
په دې راپور کې راغلي، چې دا شمېر به تر ۲۰۵۰ ز. کال پورې ۵ میلیارد کسانو ته پورته شي.
د هوا پېژندنې نړیوالې ادارې ویلي، چې دا د ځمکې د اوبو پر سرچینو د اقلیم، چاپېریال او ټولنیزو بدلونونو د اغېزو د ارزولو لپاره د دوی لومړنی راپور دی.
دغه سازمان ویلي، چې په راپور کې د سیندونه، سیلابونه، خوړونه او د وچکالیو څېړنه ترسره شوې ده.
په راپور کې راغلي چې د ۲۰۱۸ او ۲۰۲۱ کلونو تر منځ ۷۴ سلنه طبیعي پېښې د اوبو اړوند وې.