سیمه ییز خبرونه
هغه طالب مشران، چې د سولې د پروسې لپاره گټور وي بايد له زندان څخه خوشې شي
د بهرنيو چار وزارت وايي، چې پاكستان به تر دې وروسته طالب بنديان د سولې د عالي شورا سره په تفاهم خوشې كړي او همدارگه زیاتوي هغه طالب مشران، چې د سولې د پروسې لپاره گټور وي بايد له زندان څخه خوشې شي تر څو د سولې پروسې لپاره له هغوي سره خبرې اترې وكړو.
د سولې د پروسې د پرمختگ لپاره د طالب بنديانو د خوشې کولو لړۍ شاوخوا دوه مياشتې مخکې اسلام آباد ته د سولې د عالي شورا د مشر صلاح الدين رباني د سفر پر مهال پيل شوه.
تيره اوونۍ په لندن کې د افغانستان، پاکستان او برېتانيا په سرمشريزه غونډه کې هم پرېکړه وشوه، د طالب بنديانو د خوشې کولو لپاره به يو ميکانيزم جوړېږي.
د بهر نيو چارو وزارت وزیر زلمی رسول وايي:
پاكستان به تر دې وروسته طالب بنديانو په خپل سر خوشي نكړي، بلكې د افغانستان د سولې عالي شورا سره تر تفاهم وروسته به بنديان خوشي كړي.
دا په داسي حال كې ده، چې د پاکستان د یوې مذهبي ډلې جمعیت علما اسلام مشر او د طالبانو نږدې ملگری مولانا فضل الرحمن د افغانستان د سولې د خبرو ا ترو لپاره قطر ته رسیدلی دی.
د دغه مذهبي گوند یوه غړی ويلي، چې مولانا فضل الرحمن به په قطر کې د طالبانو او افغان حکومت ترمنځ د خبرو اترو د پرمختگ لپاره منځگړیتوب کوي.
د بهر نيو چارو وزير همدارنگه زیاته کړه، چې د سولي خبر ې اترې پرته د افغانانو له مشرۍ پايله نلري او قطر ته د مولانا فضل رحمن سفر د افغانستان د سولې په پروسې پورې اړه نلري.
هغه همدارنگه وويل، چې دوی تر اوسه په قطر كې نه كوم دفتر پرانيستی او نه هم خبرې اتري.
دبهرنيو چارو و زير همدارنگه وويل، چې افغانستان دې ته چمتو ده، چې له پاكستان سره د ستراتيژيك تړون لاسليك كړي، خو په دې شرط، چې د افغانستان خلك پر دې قانع شي، چې پاكستان په صادقانه توگه د افغانستان د سولې او ثبات لپاره همكاري كوي او افغانستان ته كوم خطر نه پېښوي.
دا په داسې حال کې ده، چې ټاکل شوې د افغانستان د علماوو یو پلاوی پاکستاني علماوو سره په کابل کې د علماوو د گډ کانفرانس جوړولو لپاره د خبرو اترو په موخه د یکشنبې په ورځ (د سلواغې ۲۲ ) اسلام آباد ته ولاړ او په پام كې ده دغه كنفرانس د مارچ په مياشت كې په كابل كې جوړ شي.
سیمه ییز خبرونه
پوتین د ولسمشرۍ بله ۶ کلنه لوړه وکړه
د روسیې ولسمشر ولادیمیر پوتین د سې شنبې پر ورځ د غویی اتلسمه په کرملین ماڼۍ کې د یو لړ مراسمو پر مهال د دغه هېواد د ولسمشر په توګه خپل نوی شپږ کلن پېر پیل کړ.
پوتین له دې مخکې څلور ځله د روسیې د اساسي قانون د ساتنې لوړه کړې ده.
ولادیمیر پوتین له ۱۹۹۹ ز.کال راپدیخوا د روسیې په سیاسي ډګر کې د ولسمشر یا لومړي وزیر په توګه خپل واک ساتلی دی.
۷۱ کلن پوتین په تېر مارچ کې د روسیې د ولسمشریزو ټاکنو ګټونکی وپېژندل شو.
د هغه تر ټولو نومیالی سیال الکسي ناوالني یوه میاشت مخکې د شمالي قطب په یوه زندان کې ناڅاپه مړ شو.
د الکسي ناوالني میرمنې په یوټیوب کې د ولسمشرۍ د لوړې له مراسمو مخکې یوه ویډیو خپره کړه؛ پوتین یې ظالم او قاتل یاد کړی او له پلویانو یې وغوښتل، چې د پوتین پر وړاندې مبارزه روانه وساتي.
امریکا، بریټانیا او یو شمېر نورو هېوادونو د پوتین د لوړې له مراسمو ډده کړی ده.
د امریکا بهرنیو چارو وزارت ویاند مټیو میلر د دوشنبې پر ورځ ویلي: مونږ به د هغه د لوړې په مراسمو کې استازی ونلرو. مونږ د [روسیې] ټاکنې ازادې او عادلانه نه ګڼو؛ خو پوتین د روسیې ولسمشر دی او په اټکل کیږي، چې خپل کار به روان وساتي.
د آلمان خبري آژانس او د اروپايي اتحاديې د ډيپلوماتانو د څرګندونو له مخې؛ ځينو هېوادونو لکه فرانسې، هنګري او سلواکیا د پوتين د لوړې مراسمو ته د اړیکو د ساتلو لپاره خپل استازي استولي دي.
ولادیمیر پوتین، چې لږ تر لږه ۲۵ کاله په واک کې پاتې دی؛ تر ۲۰۳۰ پورې به د روسیې د ولسمشر په توګه خپلې دندې ترسره کوي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
-
تازه خبرونه3 days ago
په غور کې د سېلابونو له کبله سلګونه خلک بې ځایه شول
-
تازه خبرونه4 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه4 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه3 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
نړۍ3 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
سوداگري4 days ago
د ترکمنستان د سوداګرو او صنایعو اتحادیې مشر هرات ته سفر وګړ
-
نړۍ20 hours ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه19 hours ago
د پاکستان خاوره د افغانستان پر ضد کارول کیږي