تازه خبرونه
هند او افغانستان د شاتوت بند د جوړولو هوکړه لاسلیک کړه
ولسمشر محمد اشرف غني او د هند لومړي وزیر نریندرا مودي نن سې شنبه ( د سلواغې ۲۱) غرمه مهال په انلاین ناسته کې د شاتوت بند جوړولو د هوکړې د لاسلیک لپاره ګډ غږ پورته کړ.
په دې مراسمو کې ولسمشر ویللي؛ د پروژې له تر سره کېدو سره د شاه توت بند به په کابل کې دوه میلیون خلکو ته پاکې اوبه برابرې کړي.
غني زیاته کړې: د شاه توت بند به د کابل د واورې او باران اوبه خوندي کړي او ور سره به د اړتیاوړ ځمکې هم خړوبه شي.
غني څرګنده کړې: شاه توت به د کابل سیند ته کافي اوبه ورسوي ترڅو یو ځل بیا د شنو، ځنګلونو، تفریح او لاسي هنرونو مرکز شي.
غني څرګنده کړې؛ د شاه توت حوزه او لمریز به مونږ له طبیعي ښکلا برخمن کړي او د کابل ښار د بیارغونې لید لوری به د بابر خیال پر حقیقت بدل کړي.
د هند لومړي وزیر نریندرا مودي ویلي، چې هند په تېرو دوه لسیزو کې د افغانستان یو له پراختیایي ملګرو دی.
نوموړي زیاته کړې؛ په افغانستان کې زمونږ پرمختیايي پروژې په بېلابېلو سکتورونو لکه د بېخبناوو پراختیا، وړتیا جوړونې، کرنې، ښوونې، روزنې او روغتیايي برخو کې رامنځته کیږي.
هغه ویلي، چې په کابل کې د شاه توت بند د هوکړه لیک لاسلیک د هند او افغانستان د ځواکمنې دوستۍ پر بنسټ جوړیږي.
مودي څرګنده کړه: زه ځانګړې خوښي احساسوم، چې د شاه توت بند پروژه به د کابل اوسیدونکیو ته د څښاک پاکې اوبه هم برابر کړي.
مودي د افغانستان خلکو ته ډاډ ورکړ، چې هندوستان له تاسې سره اوږه پر اوږه ولاړ دی. هندوستان به ستاسو د سفر په هر پړاو کې له تاسې سره وي.
مودي ډاډ څرګند کړی، چې هیڅ بهرنی ځواک به ونشي کړای د افغانستان د پرمختګ مخه ونیسي او یا د دې وړتیا ولري، چې د هند او افغانستان د دوستۍ خنډ شي.
دغه بند د کابل ولایت د للندر په سیمه کې جوړیږي، چې۹۲ متره اوږدوالی او ۶۰ متره سور به ولري.دغه بند ۴۰۰۰ هکتاره ځمکه خړوبوي او دوه میلیون کسان به ترې د پاکو اوبو ګټه پورته کړي.
د شاتوت بندر رغنیزې چارې به په ۶ کلونو کې پای ته ورسیږي.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
سوداگري5 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
په ننګرهار کې د ناکامورا کانال پروژه بشپړه شوه