سیمه ییز خبرونه
هڅې روانې دي، چې د جمهوريت روغتون په يوه مهم تخصصي روغتون بدل شي
Last Updated on: لړم ۳, ۱۴۰۱
د جمهوريت روغتون ودانۍ ډېرې نيمگړتياوې لري. د عامې روغتيا وزيره د دغه مطلب په بيانولو سره وايي، هڅې روانې دي، چې دا روغتون په هېواد كې په يوه مهم تخصصي روغتون بدل شي.
د چين له خوا د جمهوريت روغتون د نوې ودانۍ د جوړولو كار دوه كاله مخكې بشپړ شوى، چې په دې ودانۍ كې له ۲۵ ميليون ډالرو ډېرې پېسې لگېدلې دي.
خو اوس، چې د كار له بشپړېدو يې دوه كاله تېرېږي د عامې روغتيا وزيره ثريا دليل وايي:
دا ودانۍ ډېرې نيمگړتياوې لري.
د عامې روغتيا وزيره ټينگار كوي، هڅې روانې دي، چې دا روغتون په هېواد كې په يوه تخصصي او سمبال روغتون بدل شي.
د عامې روغتيا وزارت د معلوماتو له مخې د وزيرانو شورا پرېكړه كړې، چې په نړيوالو معيارونو د دغه روغتون د سمبالتيا په موخه دا روغتون د كريم آغا خان بنسټ ته وسپاري.