سیمه ییز خبرونه
وسلوال مخالفين په دې وروستيو كي دولتي ښځې په نښه كوي- سيما سمر
د افغانستان د بشر د حقونو خپلواك كميسيون مشره سيما سمر وايي:
وسلوال مخالفين په دې وروستېو كې هغه ښځې په نښه كوي، چې په لوړو دولتي څوكيو كې كار كوي. هغې د مخالفينو په دې تاكتيك اندېښنه وښوده او وايي، چې دا كړنې د افغانانو په فرهنگ كې مخينه نه لري.
نوموړې وايي:
د تېر په پرتله دا مهال د ښځو په وړاندې تاوتريخوالى زيات شوى دى.
ميرمن سمر ناامني، د قانون نه تطبيق او په قضايي بنسټونو كې اداري فساد هغه عوامل بولي، چې د ښځو په وړاندې يي د زور زياتي پيښې پراخې كړي دي.
ميرمن سمر د افغان دولت له خوا د سولې په برخه كې اوسنيو هڅو ته په نغوټه وايي:
سوله د افغان ټولنې يوه جدي اړتيا ده، خو وايي:
سولې ته د رسيدو لپاره اړينه ده، چې د بشري حقونو له سرغړونكيو سره حساب كتاب وشي.
دا په داسې حال كې ده، چې له دې وړاندې هم د بشري حقونو ځينو مدافع بنسټونو او د تېرو جگړو پر مهال د ځينو قربانيانو خپلوانو په ځلونو د جنگي مجرمينو او د بشري حقونو د سرغړونكيو د محاكمې غوښتنه كړې ده.