سیمه ییز خبرونه
ولسمشر دې اطلاعاتو ته د لاسرسي قانون توشيح او نافذ كړي
د افغانستان د آزادو رسنيو ملاتړ اداره ( نى) د مدني ټولنې شبكه او د بشري حقونو خپلواك كميسيون پر ولسمشر حامد كرزي غږ كوي، چې د يوه تقنيني فرمان له مخې اطلاعاتو ته د لاسرسي قانون توشيح او نافذ كړي.
د افغانستان د بشري حقونو او مدني بنسټونو استازيو له روښانفكرو سره په گډو هڅو اطلاعاتو ته د لاسري قانون طرحه چمتو كړې ده.
د مدڼي ټولنې رييس نعيم نظري وايي:
دا طرحه د اطلاعاتو او كلتور وزارت له لارې عدلې وزارت ته هم رسيدلې.
د نۍ موسسې رييس صديق الله توحيدي وايي:
خبريالان د دغه قانون تصويب او نافذوالى د ژورناليستيكو فعاليتونو لپاره ډېره ارزښت ناك بولي.
نوموړى زياتوي، چې د دغه قانون نافذوالى په دې شرايطو كې، چې ولسمشرۍ ټاكنې په مخ كې لرو ډېر مهم دى.
د ولسي جرگې غړې فوزيه كوفي هم له دغې طرحي ملاتړ كوي او وايي:
كه دا قانون نافذ شي، خلك به د ټاكنو په باب ډېر معلومات تر لاسه كړي.
اطلاعاتو ته د لاسري د قانون په طرحه كې ويل شوي، چې د ولسمشرۍ او ولايتي شوراگانو كانديدان مكلف دي، چې د خپلو ټاكنيزو كمپاينونو د لگښتونو په باب په پوره شفافيت خلكو ته معلومات وړاندې كړي.