سیمه ییز خبرونه
ولسي جرگه ته۱۵۸۰۰ كسان د ځمكو د غاصينو په توگه وروپېژندل شول
د حكومت پر كړنو د څارنې ځانگړي كميسيون د ولسي جرگې د شنبې په عمومي غونډه كې د هغو پېنځلس زره اته سوه كسانو نومونه افشا كړل، چې د دولتي او نادولتي ځمكو په غصب كې ښكېل دي.
دې كميسيون د ځمكوغاصبين په څو ډلو وېشلي، چې لومړۍ درجې يې له لس زره جريبه زياته ځمكه غصب كړې ده .
– محبوب حيات خان قومي مخور هلمند ۹۵ زره جريبه ځمكه
– حاجي جانان قومي مخور نميروز ۴۷ زره جريبه ځمكه
– عبدالسلام پتنگ قومي مخور بلخ ۳۵ زره جريمه ځمكه
– حاجي پير محمد قومي مخور روزگان ۴۷ زره جريبه ځمكه
– كبير كجر خان قومي مخور نيمروز ۱۷ زره جريبه ځمكه
– مولا داد قومي مخور نيمروز ۱۵ زره جريبه ځمكه
– عبدالكريم تور خان جهادي قوماندان تخار ۱۵ زره جريبه ځمه
– سيد اسحاق گيلاني د ولسي جرگي پخواني وكيل ننگرهار ۱۵ زره جريبه ځمكه
– ناظم خان قومي مخور خوست ۱۴۹۹۰ زره جريب ځمكه
– سيد محمد خان قومي مخور نيمروز ۱۳۵۰۰ زره جريبه ځمكه
– نيك محمد وفاه قومي مخور بلخ ۱۲۱۰۰ زره جريبه ځمكه
– منجي حاجي نظرمحمد قومي مخور كابل ۱۰۸۹۶ زره جريبه ځمكه
– حاجي محمد نادر قومي مخور هلمند ۱۰۰۰۰ زره جريبه ځمكه
– محمد ظريف قومي مخور بادغيس ۱۰۰۰۰ زره جريبه ځمكه
– مير احمد قومي مخور سرپل ۱۰۰۰۰ زره جريبه ځمكه
– نور علي قومي مخور بلخ ۱۰۰۰۰ زره جريبه ځمكه
– قربان ملابابا قومي مخور بلخ ۱۰۰۰۰ زره جريبه ځمكه
– حاجي موسى خداى نظر جهادي قوماندان كونر ۱۰۰۰۰ زره جريبه ځمكه
– سيد منصور نادري اسماعيله رهبر نهر شاهي ۱۳۰۷۵ جريبه ځمكه .
خو په ولسي جرگه كي د فارياب د خلكو استازي رمضان جمعه زاده د سيد منصور نادري په پلوۍ په هغه دا تورنه رد كړل.
دو لسي جرگي غړى قربان كوهستاني دغه څېړنه ناسمه بولي او وايي، چي د هغو لوړ پوړيو دولتي چارواكو نومونه په ليست كې نه دى شامل شوي، چې د ځمكو په غصب كې شامل دي.
د حكومت پر كړنو د ځانگړي كميسيون غړى شېر ولي وردگ دا ستونزه منې او زياتوي، چې دوى د دې له كبله د ځمكو د ټولو غاصبينو او په ځانگړي ډول د لوړ پوړيو دولتي چارواكو نومونه نه دي افشا كړي، چې حكومت په دې برخه كې ورته ناسم معلومات وركړي دي.
له بلې خوا د ولسي جرگې د هغو اته وكيلانو په ځاى، چې ځانونه يې راتلونكيو ولسمشريزو ټاكنو لپاره نومانولي ول، نوي وكيلان دغې جرگې ته وروپيژندل شول او د لوړې مراسم يې تر سره كړل.
د ولسي جرگي غړې حميرا ايوبي د ولسي جرگې پر هغو وكيلانو سختې نيوكې وكړې، چې په غوڼدو كې گډون نه كوې.
د ولسي جرگي رييس عبدالروف ابراهيمي وايي:
دغه كسان دې هم له دندو استعفا وكړي او ولسي جرگې ته دې د دوى په ځاى نور كسان وروپېژندل شي.
ولسي جرگه تل د نصاب د نه بشپړ والي له كبله له ستونزو سره مخ وي.
له دې وړاندې د ولسي جرگې ادارې پلاوي ويلي ول له هغو وكيلانو سره به قانوني چلند وشي، چې د دغې جرگې په درې پر له پسې غونډو كې گډون ونكړي.