سوداگري
وچ انځر د افغانستان د صادراتو غوره ميوه ده
(Last Updated On: لړم ۲۱, ۱۳۹۹)
د افغانستان د کرنې، اوبو لګولو او مالدارۍ وزارت چارواکو ویلي، چې وچ انځر د افغانستان د صادراتو د یوې غوره میوې په توګه ډېر بهرني پېرودونکي لري.
د کرنې وزارت ويلي، چې تېرکال (۱۳۹۸) د څه باندې ۸۵ میلیون امریکایي دالرو پر ارزښت وچ انځر له هېواده صادر شوي دي.
د یاد وزارت د څرګندونو له مخې، کندهار، هرات، هلمند، زابل، فاریاب، بلخ او روزګان هغه ولایتونه دي، چې انځر په کې کرل کیږي.
دغه وزارت زیاته کړې، چې تېرکال له ۳۵۰۰ هکتاره باغونو څخه ۲۴۳۱۹ ټنه انځر تولید شوي دي.
د یادونې ده، چې هندوستان، متحده عرب امارات، کانادا او یو شمېر اروپایي هېوادونه د افغانستان د انځرو ترټولو لوی پېرودونکي دي.