سیمه ییز خبرونه
يو شمېر سياسي مشرانو د مجاهدينو په ځينو رهبرانو نيوكه وكړه
يوويشت كاله وړاندې د داكتر نجيب الله حكومت راوپرځيد او مجاهدين كابل ته دننه شول، خو له دې بريا ډېر وخت نه و تېر، چې په هېواد كې كورنۍ جگړې پيل شوې.
د غويي د اتمې يا د مجاهدينو د برياليتوب د كليزې د نمانځنې په درشل كې ځينو سياسي مشرانو د مجاهدينو په ځينو رهبرانو نيوكې پيل كړې دي.
د افغانستان د اسلامي گوند مشرعبدالهادي ارغنديوال وايي:
د مجاهدينو له برياليتوب وروسته په افغانستان كې گډې موخې تعقيب نه شوې او د بهرنيو توطيو له مخې، مجاهدين په خپلو كې ونښتل.
جهادي مشر محمد اكبري وايي:
د اوسنى دولت ځينو جهادي مشرانو د مجاهدينو كورنيو ته پاملرنه نه ده كړې.
د افغانستان د ملي ائتلاف د مشر داكتر عبدالله عبدالله په وينا، دا مهال په افغانستان كې د زياتو مجاهدينو كورنۍ د ژوند په بد حالت كې دي.
سبا د غويي اتمه د مجاهدينو د برياليتوب له كليزې سره سمه ده، چې هر كال يې زيات سياسي بهيرونه د بېلابېلو غونډو له لارې نمانځي.