تازه خبرونه
ټاکنو کمیسیون د لومړنیو پایلو د نه اعلام له کبله بښنه وغوښته
د ټاکنو خپلواک کمیسیون مشرې د شنبې پر ورځ(د تلې ۲۷) یوې خبري ناستې ته څرګنده کړه، چې د ټاکنو کمیسیون د تلې د شپږمې ولسمشریزو ټاکنو د لومړنیو پایلو د نه اعلام له کبله، چې ټاکل شوې وه نن اعلان شي؛ له خلکو بښنه وغوښته.
نوموړې دغه راز د رایو په شمېرلو کې پر بشپړ رڼاوي ټینګار کړی او وایي، چې د ټاکنیزو ډلو څارونکي دې په ټاکنیز بهیر کې له لاسوهنو ډډه وکړي.
آغلې نورستانۍ د ټاکنیزو ډلو د څارونکیو پر هڅو نیوکه وکړه او ترې وغوښتل شول، چې کمیسیون دې د کارونو تر سره کولو ته پریدي.
نوموړې ډاډ څرګند کړی، چې د یو لړ تخنکي ستونزو له حل سره سم به په څو راتلونکیو ورځو کې د ولسمشریزو ټاکنو لومړنۍ پایلې اعلام شي.