سیمه ییز خبرونه
پانگوال دې د كانكور آزموينې بې پايله كيدونكيو ته د زدهكړې زمينه برابره كړي
Last Updated on: لړم ۳, ۱۴۰۱
د لوړو زدهکړو وزارت له ټولو مرسته کوونکيو هېوادنو او پانگوالو غواړي، چې له دې بنسټ سره مرستې او همكارۍ وكړي، چې هغو اتيا زره زدهکوونکيو ته د زدهكړو د دوام زمينه برابره شي، چې له كانكور آزموينې بې پايلې پاتې كيږي.
د لوړو زدهكړو وزير عبیدالله عبید وايي، د كانكور آزموينې له لارې ۶۰ زره گډون كوونكي د لوړو زدهكړو په موسسو، ۳۰ زره په نیمه لوړو زدهکړو او ۴۳ زره به یې په خصوصی پوهنتونو کې په پنځوص فیصده تخفیف ومنل شی.
د لوړو زدهكړو وزير وايي، د کانکور له آزموینې وروسته به ۸۰ زره بې پایلې پاتی شی.
د لوړو زدهكړو وزارت د چارواكو په وينا، سږ كال د كانكور په آزموينه كې ۲۶۰ زره كسان گډون كوي.
په روان كال كې د كانكور اخيستنې ۳۸ مركزونه په نظر كې نيول شوي، چې په ۳۷ مركزونو كې يې ترسره شوې او په نږدې راتلونكي كې به دا بهير بشپړ شي.