تازه خبرونه
پاکستان افغانستان او مرکزي آسیا ته نړیوالې الوتنې ډېروي
د پاکستان نړیوال هوایي شرکت نن (پنجشنبه د کب ۷) په ډاګه کړه، چې دوی به افغانستان، آذربایجان او ازبکستان ته په نړیوالو الوتنو کې ډېروالی رامنځته کړي.
د پاکستان نړیوال هوایې شرکت په یوه ټویټ کې ویلي؛ چې دوی به په اوونۍ کې افغانستان ته خپلې الوتنې له ۴ څخه تر ۵ ورسوي.
سرچینه څرګندوي؛ مونږ غواړو، چې په دې توګه افغانستان ته خپلې الوتنې پراخه کړو.
دوی دا هم ویلي، چې د آذربایجان پلازمېنې باکو ته هم خپلې نېغې الوتنې ډېروي.
دا په داسې حال کې ده، چې پاکستان له افغانستان سره د سوداګریزو اړیکو د پراختیا تر څنګ په سیمه کې د سولې او ثبات راتلو ته هم لیواله شوی دی.