سیمه ییز خبرونه
پاکستان د افغانستان په گوشته کې د پاكستانيو هويت پاڼو او راشن وېش پیل کړى
د ننگرهار د گوشتې ولسوالۍ د سرحدي سیمو ځينې اوسيدونكي وايي:
پاکستانيو ځواکونو د دروازې له لگولو وروسته اوس په سیمه کې د نویو هويت پاڼو(شناخت کارتونو) د وېشلو او خلکو ته د راشن ورکولو لړۍ پیل کړې ده.
دوی وايي:
د پاکستانيو چارواكو لخوا دلگول شوې دروازه د بېرته ليرې کولو اوازې دروغ دي او ځواکونه يې اوس هم په سیمه کې د دیوالونو او دروازې پکار اخته دي.
په ولسي جرگه کې د ننگرهار یو شمېراستازي هم د دې خلکو څرگندونې مني او وايي:
پاکستان دا هرڅه د سیمه يیزو چارو اکو په مشوره کوي.
د ننگرهارولايت د گوشتې ولسوالۍ خلك په هغو سرحدي سیمو کې، چې د پاکستان خوزښتونو زوراخستی وايي، چې:
پاکستان نږدې څوکاله وړاندې هم د گوشتې په ځینو سیمو کې پرخلکو شناخت کارتونه وېشلي ول، خو د نوې دروازې او دیوالونو له جوړولو وروسته يې دا لړۍ چټکه کړې ده.
ځايي استوگن وايي:
هغه څوک، چې شناخت کارت ونه لري له نوې لگول شوې دروازې د اوښتو اجازه نه لري. په همدې لامل خلک اړ شوي، چې شناخت کارت واخلي.
د سرحدي سیمو دغه استوگن په ډاگه كوي، چې پاکستان د ولسمشرحامدکرزي په واکمنۍ کې له ۵۰ کیلومترو ډېره خاوره لاندې کړې او د لاندې کولوپه هڅه کې دی.
د آريانا تلويزيون سيمه ييز خبريال ښاغلى زيارمل وايي:
د خلکو ددې خبرو د اثبات لپاره مو کړۍ ورځ سیمه ته مزل وکړ، چې دغلته د پاکستان لخوا دلگول شوې دروازې تصویرونه واخلو؛ خو کله، چې د سرحدي پولیسو د څلورم کنډک لومړي ټولې مخې ته ورسیدو افغان سرحدي پولیسو د مخکې تگ اجازه رانه كړه. دغه سرتېري وايي، مرکزي چارواکو ورته ویلي چې رسنیوته اجازه ورنه کړئ، چې له دروازې تصویرونه واحلي.
نوموړي په ډاگه كړې، چې یوې سرچینې د نوم د نه ښودلو په شرط هغه تصويرونه راكړل چې ښيي په سیمه کې د امنیتي ځواکونو له شتون سره سره د دروازې لگولو چارې گړندۍ روانې دي.
په ولسي جرگه کې د ننگرهار د خلکو استازی حاجي عبدا لظاهر قدیر وايي:
پاکستان داهرڅه د افغان چارواکو په مشوره کوي.
مونږ دوه ورځې پرلپسې هڅه وکړه چې د خلکود دې څرګندونو په اړه په ختیځ کې د سرحدي پولیسو د چارواکو نظرو اخلو؛ خو هیڅوک خبرو کولو ته حاضرنه شول.
د گوشتې خلک دغلته په داسې حال کې د پاکستانيو ځواکونو د نویو خوزښتونو خبرورکوي، چې د ځينو افغان پوځي او ملکي چاروکو وينا پاکستان ورسره منلې، چې لگول شوې دروازه به بېرته ليرې کړي.
افغان ولسمشرامنیتي بنسټونو ته لارښونه کړې، چې د گوشتې په سرحدي سیمه کې د پاکستان له خوا لگول شوې دروازه له منځه یوسي؛ خو تراوسه یې په اړه کوم ځانگړی گام نه دی پورته شوی.