پرمختلليو الوتكو او درندو وسلو ته اړتيا لرو- جنرال وردگ

د افغانستان ملي دفاع وزارت چارواكي واېي، چې:

په هېواد كې روانو شرايطو او نامنظمو جگړو ته په پاملرنه ملي پوځ په كافي درنو اوسپكو وسلو سمبال شوى؛ خو زياتوي، چې:

د گواښ او تېري د مخنيوي او دفاع لپاره تر دې زياتو او پرمختلليو وسلو ته اړتياده.

ملي دفاع وزيروايي، چې:

ډيورنډ كرښې ته نږدې به د حقاني شبكې او نورو هغو وسله والو پر ضد، چې د پاكستان او افغانستان لپاره خطرناك دي، عمليات پيل كړي.

د آريانا ټلويزيون خبريال عبدالعزيز كريمي په رپوټ كې راغلي ، چې:

يو شمېردرندې او سپكې  وسلې او مهمات د نړيوالې ټولنېر او په ځانگړي توگه د امريكا لخوا  افغان ځواكونو ته سپارل شوي.

د ملي دفاع وزيرعبدالرحيم وردگ د افغان ملي پوځ سره مرسته شوې وسلې او مهمات اوسنيو شرايطو ته په پام د قناعت وړگڼي، خو زياتوي، چې:

له بهرني يرغل سره د مقابلې لپاره نورو پرمختلليو الوتكو او درندو وسلو ته اړتيا موجوده ده.

جنرال وردگ څرگنده کړه، چې:

د امریکا له خوا دا تازه پوځي مرستې میلیارډونه ډالره ارزښت لري؛ خو ټینگار یې وکړ، چې د افغانستان له ملي اردو سره باید پوځي مرستې په ځانگړي توگه په هوایي برخه کې نورې هم زیاتې شي.

د جنرال وردگ په وينا:

د افغانستان په ختيځ كي ېې د حقاني شبكې او هغو وسله والو پر ضد  له نړيوالو ځواكونو سره په گډه عمليات پيل كړي، چې د افغانستان او پاكستان لپاره ستونزې جوړوي.

له افغانستان امنیتي ځواکونو سره په ځانگړي توگه ملي اردو سره  د امریکا د متحده ایالاتو دا تازه پوځي مرستې په داسې حال کې تر سره شوي، چې له وړاندې افغان ځواکونو ته د ځینو سیموامنیتي مسوولیتونه سپارل شوي او ټاکل شوې، چې په نږدې راتلونکې کې د يو شمېر نوروسیمو امنیتي چارې وسپارل شي .