تازه خبرونه
پنټاګون په افغانستان کې د امریکايي ځواکونو د جګړې په اړه مسوده رد کړه
د امریکا د دفاع وزارت ځینو چارواکو تائید کړې، چې د افغانستان په جګړه کې د پوځي هڅو په اړه د دغه وزارت د راپور مسوده د پنټاګون د لوړپوړیو چارواکو لخوا د محدودیتونو له کبله رد شوې ده.
د پنټاګون دغو چارواکو وال سټریټ ژورنال ته ویلي، چې د امریکا دفاع وزارت د افغانستان په جګړه کې د دغه هېواد د پوځ د کړنو په اړه څېړنه کوي.
د دوی د څرګندونو له مخې، د پنټاګون د اړوند راپور مسوده د دغه وزارت د لوړپوړیو چارواکو لخوا د محدودیتونو له کبله رد شوه.
د دغه راپور له مخې، په دې مسوده کې یوازې د تېرو ۱۸ میاشتو افغان جګړې ته پام راګرزول شوی دی.
د امریکا د دفاع وزارت یوه لوړپوړي چارواکي زیاته کړې، لوړ پوړیو چارواکو د راپور د بیاکتنې غوښتنه وکړه، چې نور معلومات او توضیحات هم راونغاړي؛ د لومړنۍ ارزونې راپور هر اړخیز او نور هعم پراخه کړي.
په دې وروستیو ورځو کې یوه نوې مسوده بیا خپره شوه؛ خو چارواکو ویلي، چې تر دې دمه د راپور د بشپړېدو په اړه څه ویل شوي ندي.
د پنټاګون چارواکو دا ونه ویل، چې د راپور له مسودې څخه څه پاتې دي؛ خو وایي هغه څه، چې چمتو شوي محدود دي.
د ولسمشر د ستراتیژیکو او نړیوالو مطالعاتو د مرکز لوړ پوړی مرستیال سیت جونز، چې په واشنګټن کې د فکر کولو خونه ده ویلي، هیله من دی؛ هغه څه، چې د ټینګار وړ ګرزي عامه نشي.
په افغانستان کې پخواني پوځي سلاکار جونز ویلي: که حکومت محرم مواد خپاره کړي؛ دا به له سیاسي پلوه زیانمن کړي او دا به یوه لویه ستونزه ښي.
په ورته وخت کې د امریکا د بهرنیو چارو وزارت هم په افغانستان کې د خپل رول په اړه داخلي بیاکتنه کوي.
د امریکا د بهرنیو چارو وزارت ویاند ویلي؛ اوس یې په اړه څه ویلی نشي؛ خو هیله من دی، چې وروستی راپور به څومره، چې ممکنه وي روښانه شي.