سیمه ییز خبرونه
په افغانستان كې له هرو لس ماشومانو يو يې د زيږون پر وخت ژوند له لاسه وركوي
د عامې روغتيا وزارت مسوولين وايي، چې كه څه هم د تېرو لس كلونو په پرتله اوس په افغانستان كې د ماشومانو د مړينې كچه راټيټه شوې، خو بيا هم په هرو لس ماشومانو كې يو يې د زيږون پر وخت ژوند له لاسه وركوي، چې د اندېښنې وړ ده.
د عامې روغتيا وزيره ثريا دليل وايي:
په كوچينوالي كې ودونه، اقتصادي ستونزې او په ليرې پرتو سيمو كې د روغتيايي مركزونو لږوالى هغه ستونزې دي، چې د ماشومانو د مړينې لامل گرځي.
د روغتيا په برخه كې د ميليونونو دالرو له مرستو سره سره اوس هم په ليرې پرتو سيمو كې خلك ان لومړنيو روغتيايي خدمتونو ته لاسرى نلري، خو د عامې روغتيا مسوولين وايي، چې شوي پرمختگونه د پام وړ دي.
د گوزڼ واكسين تطبيق، د خوارځواكۍ د شمېرې كميدل او د زيږون تر منځ د واټن په اړوند د ښځو د پوهاوي زياتيدل، هغه څه دي، چې د عامې روغتيا مسوولين يې په اړوند هيله من شوي دي.