سیمه ییز خبرونه
په افغانستان كې ماشومانو ته د سينه بغل واكسين وركول كيږي
Last Updated on: لړم ۳, ۱۴۰۱
د لومړي ځل لپاره په افغانستان كې ماشومانو ته د سينه بغل واكسين وركول كيږي.
دغه واكسين د شنبې په ورځ(د ليندۍ۱۶) د افغان ولسمشر حامد كرزي لخوا په رسمي ډول پيل او په ټول هېواد كې عملي كيږي.
د عامې روغتيا وزيره ثريا دليل وايي، چې دا واكسين به له دوه كلونو ټيټ عمره ماشومانو ته په درې پړاوونو كې په وړيا ډول وركړ شي.
د نوموړې په وينا، دغه واكسين د ۱۳ فعالو او نيمه فعالو مكروبونو په مقابل كې ماشومان د سينه بغل له ناروغيو خوندي كوي.
د يادونې وړ ده، چې په ټول هېواد كې هوا مخ په سړيدو ده او ډېري ماشومان تر دوه كلنۍ پورې د سينه بغل په ناروغيو اخته شوي دي.