سیمه ییز خبرونه
په افغانستان كې نړيوال ځواكونه د خپل حضور ديارلسمه كليزه نمانځي
څو ورڅې وروسته به افغانستان ته برخليك ټاكونكى كال پيل شي. د بگرام په پوځي اډه كې د امريكايي ځواكونو زياتره برخه، چې په راتلونكي ۲۰۱۴ميلادي كال په اوږدو كې به له افغانستان څخه ووځي، له خپل نوى كال نمانځه كوي.
امريكايي سرتېرى مارك آرتر وايي:
مونږ د دې لپاره دلته يو، چې مونږ پر سولې، خوښۍ او دوستۍ باور لرو او دا هغه څه دي، چې مونږ يي غواړو له افغانانو سره شريك كړو؛ خو مونږ له افغانانو غواړو، چې د امن، خوښۍ او دوستۍ احساس وكړي.
بل امريكايي سرتېرى روس ويلي څرگنده كړه، چې:
كه څه هم زه خپلې كورنۍ پسې ډېر خفه شوى يم؛ خو وياړم، چې دلته يم. په داسې حال كې، چې كورنۍ مې د آزادۍ جشن كور كې نمانځي.
بل خوا د هلمند په بسشن كمپ كې بريتانوي پوځيان په داسې حال كې نوى كال نمانځي، چې سپيان يې د بمونو او نشه يي توكو د موندلو په ځاى هغه ډالۍ خلاصوي، چې د نوي كال په مناسبت يي تر لاسه كړي دي.
د بريتانوي پوځيانو قوماندان خپل ځواكونه ستايي او وايي، پوځيان بايد د افغانستان پر ماموريت وياړ وكړي.
امريكا دا مهال په افغانستان كې ۴۷ زره سرتېري لري.
په هلمند كې د بريتانوي پوځيانو قوماندان بريد جنرال جيمز وود وايي:
دغه سرتْري، چې دغلته د كرسمس پر مهال دندې تر سره كوي، بايد دغلته په خپل ماموريت وياړ وكړي. هغوٰ دا مهال د يوه ځانگړي كار د تر سره كولو په حال كې دي او كله، چې مونږ له خپل افغان سيالانو سره خبرې كوو، هغوٰ دغلته زمونږ د سرتْرو له سرښندنو، هڅو او پانگونو مننه كوي.
بريتانيا له امريكا وروسته دوه يم هېواد دى، چې په افغانستان كې ډېر ځواكونه لري.
په مارمل كمپ كې آلماني پوځيان ميشت دي او نوى كال له خپلو هيلو سره نمانځي.
آلماني سرتېرى چمپلين وايي، زما د نوي كال مهم پيغام د ځمكې كرې ته سوله ده. مهمه نه ده، چې دين مو څه دى يا هم د نړۍ له كومې برخې راغلي ياست. ټول بايد سولې ته كار وكړي او كه هر څوك دا كار وكړي، مونږ به پرمختگ كړى وي.
د يادونې وړ ده، چې ټولو سرتېرو ته د نوي كال پيغام دادى، چې ممكن د نوي كال تر منځنيو يا وروستيو پورې به په افغانستان كې وي.
سیمه ییز خبرونه
د ایران ولسمشریزو ټاکنو ته د وړ نوماندانو نوملړ اعلان شو
د ایران د ټاکنو مرکزي دفتر ویاند محسن اسلامي نن یکشنبه (د غبرګولي شلمه) د دغه هېواد د ولسمشریزو ټاکنو لپاره د وړ نوماندانو نوملړ اعلان کړ.
مهر خبری سرچینې راپور ورکړی، چې په دې نوملړ کې د مصطفی پورمحمدي، مسعود پزشکیان، امیرحسین قاضيزاده، علیرضا زاکانی، سعید جلیلي او محمد باقر قالیباف نومونه راغلي دي.
د خلکو له باور سره سم محمود احمدينژاد او علي لاریجاني هغه دوه نوماندان دي، چې د شورانګهبان لهخوا وړ ونهپېژندل شول او په دې ټاکنو کې به ګډون ونکړي.
ایران د الوتکې د راغورځېدو په پېښه کې د ولسمشر ابراهیم رییسي له مړینې وروسته له وخت مخکې ولسمشریزې ټاکنې ترسره کوي.
ټاکل شوې، چې دا ټاکنې د روان ۱۴۰۳ لمریز لېږدیز کال د چنګاښ پر اتمه ترسره شي.
سیمه ییز خبرونه
نریندرا مودي د هند په ټاکنیزو سیالیو کې له ډېر لږ اکثریت برخمن شو
رویټرز د راپور له مخې؛ د سې شنبې پر ورځ د هند لومړی وزیر نریندرا مودي د خپل درېیم تاریخي پېر لپاره وټاکل شو؛ خو د یوه داسې سیاسي مشر لپاره، چې د هېواد پر سیاست یې د لس کلن واک ګوندي رېښې ځغلېدلي د لږ اکثریت ګټل یوه بېساري ټاکنیزه ناکامي هم ده.
د مودي واکمن بهاراتیا جاناتا ګوند په تېره یوه لسیزه کې د لومړي ځل لپاره په پارلمان کې خپل اکثریت له لاسه ورکړ او پر خپلو سیمهییزو متحدینو تکیه کولو ته اړ شو.
د مودي لپاره، چې د نړۍ د مشرانو تر منځ یې ترټولو د لېوالتیا درجه لوړه وه او پر جمهوري بڼه یې ټاکنیز کمپاین اداره کړ؛ دا ډول پایله د سیاسي بدلون لومړۍ ښکارندویي کوي.
یو ارواپوه او د بی جي پی د یوې کوچنۍ سیاسي ډلې بنسټ ایښودونکی یوګنډرا یاډاو ویلي: د BJP د اکثریت له راکښته کېدا سره؛ دا بدلون ( د مودي لپاره ) یو شخصي ګوزار هم دی.
په تېرو ۱۰ کلونو کې مودي د واکمن اتحاد برلاسی مشر و؛ خو اوس یې مخالفان په اړه اندېښنې لري، چې هېواد یې استبدادي لوري ته راکاږلی دی.
که څه هم مودي هره ورځ د ټلویزیون په سکرینونو کې د هند له ۹۶۸ میلیون رای ورکوونکیو څخه د رای غوښتنه کړې؛ خو اوس یې مخالفانو د بدلون راوستلو غږ پورته کړې دی.
د لکنو پوهنتون د سیاسي علومو د څانګې پخوانی رییس سورنډرا کومار ډوویډي ویلي؛ نن له مودي سره زما یوازنۍ مسله دا ده، چې هغه له خپل ګوند څخه لوی شوی دی. یعنې په ډیموکراتیک سیسټم کې یو فرد ګوند ځای نیولی دی.
نریندرا مودي له لومړي وزیر جواهر لعل وروسته دوهیم مشر دی، چې درېیم پېر ګټي او په راتلونکیو پېنځه کلونو کې یې د بدلون راوستلو ژمنه کړې ده.
د هغه پر مشرۍ هند د نړۍ ترټولو د ګړندۍ وده کوونکي لوی اقتصاد لرونکی شو او دا ډاډ څرګندوي، چې غواړي په راتلونکیو درې کلونو کې له امریکا او چین وروسته په هند کې د نړۍ درېیم لوی اقتصاد رامنځته کړي.
مودي په یوه وروستۍ غونډه کې ویلي: څه، چې مونږ په تېرو ۱۰ کلونو کې کړي دي یوازې یو پیل دی؛ مونږ نور ډېر څه لرو. مودي هېواد د نړۍ یوې بلې کچې ته رسوي.
دغه راز ۷۳ کلن مودي د بې جي پي د اپوزیسیون د ګمانونو د ردولو تر څنګ ویلي؛ هغه غواړي د هند لپاره داسې زمینه برابره کړي، چې د د خپلواکۍ تر ۱۰۰ للنۍ پورې په بشپړ ډول پرمختللی هېواد شي.
په دې اړه د سینګاپور په ملي پوهنتون کې د سیاسي علومو د څانګې مرستیال بیلویر سینګهـ ویلي: مودي اوس د لومړي وزیرۍ له میراث برخمن شوی؛ هند به له سیاسي، اقتصادي، ډیپلوماټیکو او ان نظامي پلوه پرمخ وړي.
د مودي د څرګندونو له مخې: ښه مفکوره به دا وي، چې دا هېواد یو پیاوړی سیمهییز ځواک شي او له چین سره موازي وده ولري؛ خو د ځینو ادعاوو له مخې د لویدیځ ګټو ته نه! بلکې په نړیوال سیاست کې د هند ګټې، ځواک او ځای پیاوړی او خوندي کوي.
د مودي د واکمن ائتلاف لپاره کم شوی واک د هند په سیکولر اساسي قانون کې د بدلون شونتیا، چې مخالفو ډلو یې په اړه خبرداری ورکړی و؛ له منځه وړي. دا کړنه د پارلمان د دوه پر درېیمې برخې غړیو ملاتړ ته اړتیا لري.
د رویټرز د راپور له مخې: په وروستیو کلونو کې داسې اندېښنې زیاتې شوي، چې بې جي پی هندو ملتپاله اجنډا هېواد دوه قطبي کړی؛ پخپله مودي دا حالت رامنځته او د اصلي اپوزیسیون کانګره یې د مسلمانانو لپاره د رایو پر تر لاسه کولو تورنه کړې، چې اوس د مدني قوانیو په جوړښت کې باید په دې اړه بحثونه وشي.
سیمه ییز خبرونه
احمدي نژاد د ایران په ولسمشریزو ټاکنو کې د ګډون لپاره نوملیکنه وکړه
د ایران دولتي ټلویزیون د څرګندونو له مخې؛ د دغه هېواد پخواني ولسمشر محمود احمدي نژاد د ولسمشرۍ په ټاکنو کې د ګډون لپاره نوملیکنه کړې ده.
احمدي نژاد له ۲۰۰۵ څخه تر ۲۰۱۳ کال پورې د ایران ولسمشر و.
هغه د ۲۰۱۷ کال په ټاکنو کې شورای نګهبان له سیالۍ کولو منع کړی و.
د ایران ولسمشریزې ټاکنې به د جون پر اتویشتمه ترسره شي.
-
لوبی2 days ago
د افغانستان کرکټ ملي لوبډلې د نیوزیلینډ پر وړاندې تاریخي بریا خپله کړه
-
تازه خبرونه5 days ago
سراج الدین حقاني او د متحده عربي اماراتو چارواکو په څو برخو کې هوکړې وکړې
-
تازه خبرونه5 days ago
افغان زعفرانو د نهم ځل لپاره په نړۍ کې لومړی مقام خپل کړ
-
تازه خبرونه5 days ago
اسلامي امارت له نړیوالې ټولنې سره خپلې ژمنې پوره کړې ندي – مارټین ګریفیټس
-
تحول5 days ago
تحول؛ د افغانستان لپاره د مسکو فارمټ ناستې جوړېدل
-
څار5 days ago
څار: متحده عربي اماراتو ته د کورنیو چارو وزارت د چارسمبالي سفر
-
تازه خبرونه5 days ago
اندونیزیایي پلاوي له ملابرادر سره په لیدنه کې د پانګونې ډاډ څرګند ګړ
-
تازه خبرونه5 days ago
د افغانستان پلاوی د سنټ پټرزبرګ په اقتصادي سرمشریزه کې ګډون کوي