تازه خبرونه
په افغانستان کې د نږدې دوه ورځو لپاره د انټرنیټ او مخابراتي خدماتو د ځنډېدا اغېزې
له تېرو دوه ورځو راپدېخوا افغانستان په بېلابېلو سکټورونو کې له ستونزو سره مخ شوی و.
په ټول افغانستان کې د ټولو مخابراتي شرکتونو انټرنیټ او مخابراتي خدمات له دوه ورځو ځنډ وروسته بیا پیل شول.
له تېرو دوه ورځو راپدېخوا افغانستان په بېلابېلو سکټورونو کې له ستونزو سره مخ شوی و.
د انټرنیټ او مخابراتي خدماتو ځنډېدا د دوف ورځو لپاره له نړۍ سره د افغانستان اړیکې وننګولې.
اوسمهال افغانستان د نړۍ په ګوټ ګوټ کې ۴۰ سیاسي ماموریتونه لري او نږدې ۲۰ سفارتونه په کابل کې فعال دي، چې د مخابراتي شبکو او انټرنیټ کارولو او اړیکو ته اړتیا لري.
د دې دوه ورځو په لړ کې د انټرنیټ او مخابراتي خدماتو ځنډېدا په هېواد کې د آنلاین زدهکړې او سوداګرۍ بهیر زیانمن کړو او د انټرنیټ او مخابراتي خدماتو بندېدا روغتیایي سکټور ته جدي ننګونې رامنځته کړې.
په روغتونونو کې روغتیایي کارمندانو ویلي، چې دوی نشي کولی له انټرنیټ پرته د وژونکو ناروغیو د کتنې پایلې ترلاسه کړي.