تازه خبرونه
په افغانستان کې د ګوزڼ واکسین کمپاین سبا پیل کیږي
دې بنسټ د یکشنبې پر ورځ( د وري یودېرشمه) په ایکس پاڼه کې ولیکل، چې دا کمپاین به سبا دوشنبه پیل شي.
له ګوزڼ یا پولیو څخه د پاک افغانستان بنسټ په هېواد کې د ګوزڼ واکسین کمپاین له پیل خبر ورکړ.
دې بنسټ د یکشنبې پر ورځ( د وري یودېرشمه) په ایکس پاڼه کې ولیکل، چې دا کمپاین به سبا دوشنبه پیل شي.
دې بنسټ له کورنیو غوښتي، چې خپل پېنځه کلن او له کلونو ټیټ عمره ماشومان د ګوزڼ پر وړاندې واکسین کړي.
له ګوزڼ څخه د پاک افغانستان بنسټ دا ندي ویلي، چې کمپاین به څو ورځې او په کومو ولایتونو کې ترسره شي.
افغانستان او پاکستان یوازني هېوادونه دي، چې ګوزڼ یا پولیو په کې تر اوسه له منځه نده وړل شوې.
د یادونې ده، چې د پولیو لومړۍ مثبته پېښه په ۲۰۲۵ کال کې له بادغیس ولایت څخه ثبت شوې ده.