تازه خبرونه
په بریتانیا کې له ۵۰۰۰۰ ډېر پر کرونا اخته کسان مړه شوي
په بریتانیا کې پر کرونا ویروس د اخته کسانو نوې څرګندونې ښیي، چې د ځاني زیان شمېر یې له ۵۰۰۰۰ دېر شوی دی.
سي ان ان خبري سرچینې څرګنده کړې، چې د انګلیند او ویلز د احصائیې له مخې تر دې دمه ۵۰۴۱۳ کسانو ته له دې ویروسه مړینه اوښتې ده.
د بریتانیا د صحت او څارنې ریاست یوازې د مړینې ۴۰۶۸۰ پېښې ثبت کړې دي.
په بریتانیا کې تر دې دمه پر کرونا ویروس د اخته کسانو شمېر ۲۸۸۸۳۴ ته رسیدلي دي.
د نویو څرګندونو له مخې؛ دغه هېواد له دې ویروسه د مړینې له کبله د نړۍ دوه یم هېواد یاد شوی دی.
امریکا، چې ۱۱۱۰۰۰ ځاني زیان لري، په نړې کې له دې ویروسه د مړینې په نوملړ کې لومړی ځای نیولی دی.