تازه خبرونه
په بغلان ولايت كې د كتاب او كاپي رايت نړيواله ورځ ونمانځل شوه
Last Updated on: لړم ۳, ۱۴۰۱
چارواكي وايي، سريالونو او انترنت په بغلان كې د كتاب لوستلو مينه وال لږ كړي دي.
د بغلان د اطلاعاتو او فرهنگ رياست چارواكي وايي:
د كتاب او كاپي رايت د نړيوالې ورځې له نمانځلو مو موخه داده، چې له كتاب لوستلو سره د خلكو ليوالتيا ډېره شي.
د بغلان د اطلاعاتو او فرهنگ رييسه شكريه اصيل وايي:
د اطلاعاتو او فرهنگ رياست د كتاب لوستلو اوونۍ په دې موخه ونمانځله، چې ځوانان مطالعې او د ادبي آثارو پنځولو ته وهڅوي.
آغلې شكريه اصيل وايي، په تېرو څو كلونو كې د تلويزيوني سريالونو كتلو او له انترنت څخه استفادې د كتاب د مينه والو شمېر لږ كړى دى.
په دې مراسمو كې گډونوالو د يوه عامه كتابتون شتون اړين وگاڼه.
د بغلان د اطلاعاتو او فرهنگ رياست د مسوولينو په وينا، په نږدې راتلونكي كې به په دې ولايت كې د يوه عامه كتابتون د جوړولو چارې پيل شي.