سیمه ییز خبرونه
په تېرو يوولس كلونو كې ډېره پانگونه د مخابراتو په برخه كې شوې
Last Updated on: لړم ۳, ۱۴۰۱
د افغانستان د مخابراتو او معلوماتي تكنالوژۍ وزارت چارواكي وايي، په تېرو يوولسو كلونو كې له نوې تكنالوژۍ سره د خلكو د ډېرې ليوالتيا له كبله دوه ميليارد دالر پانگونه شوې او زرگونه افغانانو ته د كار زمينه برابره شوې ده.
د هغه په وينا، دا په افغانستان كې ترټولو ډېره پانگونه ده.
ښاغلى سنگين وايي، د ماليې له وزارت وروسته اوس د مخابراتو وزارت د مخابراتي شركتونو له لارې عوايد را ټولوي او د حكومت خزانې ته يې سپاري.
هغه د ناامنيو دوام په ټول افغانستان كې د دې خدمتونو په وړاندې لويه ستونزه بولي.
د نوموړي په وينا، په تېرو شل كلونو كې شپږ ميليارده كسان د گرځنده تيليفون خاوندان شوي او د نړۍ پنځوس سلنه اوسيدونكي انترنيت لري.
د مخابراتو وزارت د اټكل له مخې، اوس په افغانستان كې پېنځه مخابراتي شركتونه فعاليت كوي .