نړۍ
په تېرو څو میاشتو کې ۸ اعشاریه ۸۸ میلیون کسانو له دوبۍ لیدنه کړې
دبۍ د ۲۰۲۱ زېږدیز کال له جنورۍ څخه تر اوکتوبر پورې له ۴ اعشاریه ۸۸ میلیون لیدونکیو هرکلی کړی دی.
رویټرز څرګنده کړې؛ د اقتصاد او ګرځندوی څانګې د شنبې پر ورځ ویلي، چې یوازې د اوکتوبر په میاشت کې دبۍ ته د نړۍ له یو میلیون ډېر لیدونکي ورغلي دي.
د اقتصاد او ګرځندوی څانګې په ډاګه کړې، چې دغه شمېر د میلمه پالنې په صنعت کې د حرکت او ثبات ښه زیری دی. که څه هم د دې هېواد دغه صنعت کرونا ویروس ځپلی؛ خو پایله یې د تېر ۲۰۲۰ زېږدیز کال پر پرتله ښه ده.
رویټرز زیاته کړې؛ له تېرو شپږمیاشتو راپدیخوا ۹ اعشاریه ۴ میلیون خونې د شپې پلورل شوي، چې د ۲۰۱۹ کال کې په ورته وخت کې یې شمېر ۷ میلیون خونې وې.