سیمه ییز خبرونه
په تېرو ۱۴ کلونو کې لږ تر لږه ۱۴ زره افغان سرتېري وژل شوي دي
په تېرو ۱۴ کلونو کې لږ تر لږه ۱۴ زره افغان سرتېري له طالبانو سره په جګړه كې وژل شوي دي د وزیرانو د شورا د دارالا انشا د تازه معلوماتو له مخې په دې موده کې ۲۰ زره افغان سرتېري ټپیان شوي هم دي.
د افغانستان جګړه د وخت په تېرېدو سره دیارلسم کال ته دننه کېږي د وزیرانو د شورا د دارالاانشا د تازه معلوماتو له مخې په یاده موده کې ۱۳ زره ۷۰۰ او ۲۹ تنو سرتېرو خپل ژوند له لاسه ورکړی او۱۶۵۱۱ نور ټپیان شوي دي.
د یادې ادارې د معلوماتو له مخې له طالبانو سره د ۱۳ کلنو جګړې پر مهال 12336 ولسي وګړو خپل ژوند له لاسه وکړی او 11607 نور ټپیان شوي دي او د ۳ میلیارد ډالرو په شاوخوا کې مالي مرستې د سرتېرو او د ملکي وګړو د وژل شويو کورنیو سره مرسته شوې ده.
خو د ښار په بله برخه کې د سرتېرو په اړه اندېښني. دلته د ولسي جرګې یو غړی بکتاش سیاووش وایي:
ولسمشر حامد کرزي په تېرو څو کلونو کې د وژل شویو سرتېرو له کورنیو سره په سمه توګه مرسته نده کړې.
د وزیرانو شورا د دارالا انشا د امورو اداري هغه خبرې رد کړې، چي ویل شوي افغان حکومت د وژل شویو سرتېرو له کورنيو سره مرستې ندي کړي د یادې ادارې د معلوماتو له مخې په تېرو څو کلونو کې د وژل شویو سرتېرو کورنیو سره د دوه میلیاردو افغانیو په شاوخوا کې مرسته شوې ده.