سوداگري
په تېرو ۱۵ میاشتو کې ۱۵۰ بهرنیو پانګوالو د پانګونې جواز اخیستی – چارواکي
د صنعت او سوداګرۍ وزارت ويلي له تېرو ۱۵ میاشتو راپدیخوا بهرنیو پانګوالو په بېلا بېلو برخو کې د پانګونې لپاره ۱۵۰ جوازونه اخیستي او ځینو یې پانګونه هم پیل کړې ده.
د صنعت اوسوداګرۍ وزارت مسوولین وايي، چې په هېواد کې ورځ تر بلي د کورنۍ او بهرنۍ پانګونې بهیر د پراختیا په حال کې دی.
د دې وزارت د مسوولینو د څرګندونو له مخې؛ له تېرو ۱۵ میاشتو راپدیخوا د ټول هېواد پر کچه ۱۵۰ بهرنیو پانګوالو جوازونه تر لاسه کړي، چې په دې کې ډېري د چین، انګلستان، امریکا، کانادا، پولیند، هالیند، خلیج هېیوادونه، ازبکستان، پاکستان، ایراني پانګوال او شرکتونه شامل دي.
د صنعت او سوداګرۍ وزارت وايي، چې پانګوالو په بېلا بېلو برخو کې د پانګونې لپاره خپل لومړني کارونه پیل کړي دي.
د صنعت اوسوداګرۍ وزارت مسوولینو څرګنده کړې؛ په هېواد کې تر بل هروخت د پانګونې لپاره زمینه مساعده شوې او ټول بهرني او کورني پانګوال کولی شي په افغانستان کې ډاډمنه پانګونه وکړي.
د صنعت او سوداګرۍ وزارت ویاند عبدالسلام آخوندزاده وایي: باوری یوو، چې د کانونو په برخه کې به پانګونه زیاته شي. د کانونو عمومي استخراج تر اوسه له یو فیصده کمه کچه لري. چین او عربي متحده امارات د کانونو په برخو کې ډېر تمرکز لري او پانګونه کوي.
د سوداګرۍ او پانګونې خوني مسوولین هم په هېواد کې د لويې بهرنۍ پانګونې په برخه کې د جوازونو له ورکړې هرکلی کوي او څرګندوي، چې په هېواد کې اوس د لویو پانګونو ترسره کیدو ته تر بل هر وخت زیاته اړتیا او همداراز مناسب چاپېریال رامنځته شوی.
دوی زیاتوي، چې له دې فرصته باید په لویه کچه ګټه پورته شي.
د سوداګرۍ او پانګونې خونې غړی خانجان الکوزی وایي: په هېواد کې لوی اقتصادي ظرفیتونه مات شوي؛ نو له همدې کبله اوس د دې اړتیا ده، چې په هېواد کې پانګونه وشي او د پانګونې لپاره دننه په هېواد کې مناسب بستر هم رامنځته شوی دی.
د اقتصادي چارو کارپوهان پدې باور دي؛ که اسلامي امارت وتوانیږي، چې د کانونو د استخراج او پانګونې ترڅنګ د کرنې او مالدارۍ او د انرژۍ د تولید په برخو کې هم د سیمي او نړۍ د هېوادونو پانګونه جذب کړي؛ نو په افغانستان کې به د فقر او اقتصادي بحران کچه خورا چټکه وده وکړي.
سوداگري
په کابل کې د افغانستان او قزاقستان سوداګریز کنفرانس او نندارتون جوړ شو
نن پنجشنبه ( د غویی شپږمه ) د افغانستان او قزاقستان چارواکو سوداګریز کنفرانس جوړ او د سوداکریز نندارتون پرانسته وکړه، چې په کې د سوداګریزو اړیکو پر پراختیا ټینګار څرګند شو.
د ریاست الوزرا قتصادي مرستیال د دې نندارتون د پرانستې په غونډه کې د افغانستان د امنیتي ټيکاو او په هېواد کې د پانګونې د زمینې د برابرلو ترڅنګ د سوداګرۍ د ټرنزیټي کچې پر وده او پراختیا هم خبرې وکړې.
د ریاست الوزرا اقتصادي مرستیال ویلي، چې د اسلامي امارت د اقتصاد محوره بهرني سیاست پر بنسټ توانیدلي، چې د سیمې هېوادونو او په ځانګړي توګه له منځنۍ آسیا سره سوداګریزې پراخې اړیکې جوړې کړي.
د سوداګرۍ وزارت څرګنده کړې؛ په ١٤٠٢ لمریز لېږدیز کال کې د افغانستان او قزاقستان ترمنځ د سوداګرۍ کچه نږدې ٢٧٠ ميليون ډالره وه.
د صنعت او سوداګرۍ وزارت چارسمبالي نورالدین عزیزي ویلي: د افغانستان او قزاقستان ترمنځ په سوداګرۍ کې د پام وړ زیاتوالي راغلي او د دغو نندارتونونو له جړیدا سره به د دواړو هېوادونو ترمنځ اقتصادي اړیکې نورې هم پراخي شي.
نورالدین عزیزي څرګنده کړې: د اسلامي امارت بهرنی سیاست خپلواک، متوازن او اقتصاد محوره دی، چې کولی شي افغان- قزاق نړیوال نندارتون ته ورته نندارتونونه جوړ کړي.
هغه زیاته کړې، دغه نندارتون د افغانستان او قزاقستان ترمنځ د اقتصادي او سیاسي اړیکو په پیاوړتیا کې ارزښتناک رول لوبولی شي.
له دې سره د قزاقستان د لومړي وزیر مرستیال هم ویلي، چې د افغانستان او قزاقستان ترمنځ سوداګریزې اړیکې پراخه شوې دي او د افغانستان له لارې یې له منځنۍ آسیا سره پر نښلېدا ټینګار کړی دی.
د قزاقستان د لومړي وزیر مرستیال، چې د یو پلاوي پر مشرۍ کابل ته راغلی د افغانستان او قزاقستان د سوداګریزو اړیکو پر پراختیا یې ټينګار کړی او وایي؛ د دواړو هېوادونو ترمنځ د سوداګريزو، ټرانزيټي او اقتصادي اړيکو د پراختیا لپاره پر شته ظرفیتونو باید کار وشي، چې د افغانستان له لارې منځۍ آسیا له جنوبي آسیا سره ونښلول شي.
د قزاقستان د لومړي وزیر مرستیال سیریک ژومنګارین ویلي: پر بنسټيزې پروژو په ځانګړي توګه د افغانستان د اورګاډي پټلۍ د پراختیا او همداراز په اقتصادي ډګرونو کې پر شته ظرفیتونو باید کار وشي، چې د دواړو هېوادونو ترمنځ د اقتصادي او سوداګریزو اړیکو د پراختیا لپاره زمینه برابره شي.
ملګري ملتونه هم وايي، چې د منځنۍ آسیا هېوادونه د افغانستان په اقتصادي وده کې اساسي رول لوبولی شي.
په افغانستان کې د ملګرو ملتونو ځانکړې استازې روزا اوتونبایوا ویلي؛ د افغانستان په اقتصادي پراختیا کې خصوصي سکټور د باثباته اقتصاد په رامنځ ته کولو کې مهم رول لري، چې په وروستیو دوه کلونو کې دوی په ځانګړي ټوګه د ټرانزیټي، بانکي او نړیوال مارکیټ ته دلاس رسي په برخو کې ستونزې لرلې، چې په دې برخه کې ترې ملګرو ملتونو خپله همکارۍ نده سپمولې.
ویل کیږي، چې د افغانستان او قزاقستان ترمنځ د دې سوداګریز کنفرانس په دوه ورځني نندارتون کې د دواړو هېوادونو خصوصي سکټورنو له لوري په ۸۰ غرفو کې بېلابېل تولیدات نندارې ته وړاندې کړي دي.
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
سوداگري
ماليزيايي پانګوال دې په افغانستان کې پانګونه وکړي – عزيزي
د صنایعو او سوداګرۍ وزارت چارسمبالي نورالدین عزیزي د مالیزیا د بهرنیو چارو، دفاع، کورنیو چارو وزارتونو او د افغانستان لپاره د دې هېواد د لومړي وزیر د دفتر له استازې ډاکټرې شازلینا بنت زین العابدین سره وکتل.
د افغانستان د سوداګرۍ او صنایعو وزارت ويلي؛ په دې کتنه کې د دواړو هېوادونو ترمنځ د سوداګریزو اړیکو پر پیاوړتیا، د دواړو لوریو دوه اړخیزو سوداګریزو اړیکو کنفرانس، د افغانستان او مالیزیا تر منځ د سوداګرۍ توازن او د افغانستان د محصولاتو لکه غالۍ، پنبه او کاني ډبرو لپاره بازار موندلو خبرې شوې دي.
ویل کیږي، چې په دې لیدنه کې د صنعت او سوداګرۍ وزارت چارسمبالي په افغانستان کې د سیمې د هېوادونو د پانګونې پر زیاتوالي ټینګار کړی او د مالیزیا له پانګوالو غوښتل شوي، چې په افغانستان کې پانګونه وکړي.
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
تازه خبرونه5 days ago
راشد خان د افغان بیسیم سوداګریز سفیر شو
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه4 days ago
ایران او پاکستان په افغانستان کې پر ترهګرو ډلو اندېښنه څرګنده کړه
-
تازه خبرونه5 days ago
د اسلامي همکاریو ټولنې پلاوي د اروپايي ټولنې له استازې سره ولیدل