تازه خبرونه
په تېر کال کې د ځمکو د غصب د مخنیوي په موخه مو له ۷۰۰۰ ډېرې دوسیې څېړلي
د دې وزارت مسوولینو ويلي، چې په تېر کال کې یې د اسلامي امارت رهبر ته ۴۷ قوانین د توشیح لپاره استولي، چې تر اوسه یې پېنځه قوانین توشیح شوي دي.
د عدلیې وزارت وايي، په تېر کال کې د ځمکو د غصب د مخنیوي او د ملکیتونو د شخړو د حل په موخه مو ۹۲۸۷ دوسیې څېړلي او یو اعشاریه شپاړلس میلیارډ افغانۍ په اداري او سوداګریزو برخو کې د دولت خزانې ته سپارل شوي دي.
د دغه وزارت چارواکو نن (یکشنبه د زمري څوارلسمه) د خپل یو کلن کاري پروګرام په لړ کې ویلي، چې د محاکمو د وروستۍ پرېکړې پر بنسټ په اداري او سوداګریزو برخو کې یو میلیارډ او شپاړس میلیونه افغانۍ د دولت خزانې ته سپارل شوې دي.
د دغه وزارت مرستیال عبدالکریم حیدري وايي، د تمدن ټلویزیون د ملکیت په اړه هم څېړنې روانې دي.
هغه وایي: دغه اسناد د ازموينې لپاره کميسيون ته سپارل شوي دي. دا د ټلویزیوني خپرونو مسله نهوه، خو د املاکو مسله وه.
د دې وزارت مسوولینو ويلي، چې په تېر کال کې یې د اسلامي امارت رهبر ته ۴۷ قوانین د توشیح لپاره استولي، چې تر اوسه یې پېنځه قوانین توشیح شوي دي.
دغه راز دې وزارت ۱۰۱ تقنیني سندونه هم د تسوید مرحلې ته رسولي دي.
دغه وزارت ۷۷۴ دارالوکالې څارلي او ۱۵۹۰ وکیلانو ۳۶۷۲ کسانو د معاملاتو جوازونه ترلاسه کړي دي.