سیمه ییز خبرونه
په بدخشان كې اويا پراختيايي پروژې پلې شوي- اديب
د بدخشان سيمه ييز چارواكي وايي، چې:
په تېر يو كال كې د يو سل و پېنځلس ميليون دالرو په ارزښت اويا پراختيايي پروژې پلې شوي دي.
دغه چارواكي همدا راز زياتوي چې په راتلونكي كال كې يې هم حكومت ته د نولسو لويو بسټيزو پروګرامونو وړاندېز وركړى دى . خو د بدخشان اوسيدونكې دغه بنسټيزو پروژې د خپلو اړتيو په پرتله كمې بولي .
د بدخشان والي شاه ولي الله اديب وايي، چې:
تېر يو كال په بېلابېلو برخو كې شاوخوا اويا پراختيايي پروژې پلې شوي، چې يو شمېر مرستندويه هېوادونو په ځانگړي توگه المان هم د دغه پروژو يوه برخه تمويل كړې وه .
دوى زياتوي، چې:
تېر كال دولت د دغه ولايت د سركونو د پخولو لپاره سل ميليون دالر ځانگړي كړي ول.
د بدخشان يو شمېر اوسيدونكي بيا سرټكوي، چې دولت د دغه ولايت په بېلابېلو برخو كې د پام وړ كار نه دى كړى.
بدخشان د هېواد يو له غرنيو ولايتونو څخه دى، چې له درې گاونډ هېوادونو سره پوله لري. ويل كيږي تر اوسه د دغه ولايت ډېرې ولسوالۍ سړكونه نه لري.